«Йеня дя» гязялляр
Yüklə 242,72 Kb.
|
- Bu səhifədəki naviqasiya:
- Azərbaycan Respublikası Mədəniyyət və Turizm Nazirliyinin dəstəyi ilə
- Ряшад Мяъид
- Ялиш Мирзаллы Дизайнер: Мятанят Гараханлы Вяфа Ящмядова Илгар Фящми.
- Sənli sözüm gəldi sənə
- Ölüm növbəsi », «Aktrisa
- 2003-cü ilin ən yaxşı gənc şairi
- Ulduz
- Илгар Фящми щаггында йазыланлардан
- Qabil
- Mütərcim” Nəşriyyat-Poliqrafiya Mərkəzi Bakı, Rəsul Rza küç., 125 Tel./faks 596 21 44 e-mail: mutarjim@mail.ru
- Azərbaycan
|
Azərbaycan Respublikası
Mədəniyyət və Turizm Nazirliyi « 525 КИТАБ » серийасы Илгар фящми «Йеня дя» гязялляр(1999-2003) Bakı – Mütərcim – 2010 Azərbaycan Respublikası Mədəniyyət və Turizm Nazirliyinin dəstəyi ilə «525-ъи гязет»ин «525 Китаб» серийасы «Дцнйа ядябиййаты» дярэисинин техники иштиракы иля Серийанын рящбяри: Ряшад Мяъид, «525-ъи гязет»ин баш редактору, Азярбайъан Йазычылар Бирлийинин катиби Серийанын тяртибчиси вя редактору: Сялим Бабуллаоьлу «Дцнйа ядябиййаты» дярэисинин баш редактору
/ «525 Kитаб» серийасы. – Бакы: Мцтяръим, 2010. – 52 с. © “525-ci qəzet”, 2010 İlqar Fəhmi ( Paşayev İlqar Əli-Abbas oğlu) 1975-ci ildə anadan olub. Bakının Zirə kəndindəndir. 1994-cü ildən ədəbi yaradıcılıqla məşğul olur. 2002-ci ildən Azərbaycan Yazıçılar Birliyinin üzvüdür. «Sənli sözüm gəldi sənə» (2001), «Ölüm gözəldi, yoxsa sən»(2002) adlı şeir toplularının və «Aktrisa» (2005), «Akvarium» (2006), «Bakı tarixindən kollaj» (2007), «Qarğa yuvası» (2008), «Kölgədə əqrəb» (2010) adlı nəsr kitablarının müəllifidir. Bir neçə pyesi («Axırıncı qatar», «Fırıldaqçıların əsri») ölkə teatrlarında səhnələşdirilib, «Ölüm növbəsi», «Aktrisa» ssenariləri Dövlət sifarişiylə ekranlaşdırılıb, «Sirat körpüsü», «Məcnunlar», «50 000 azn», «Qaydasız döyüş» ssenarilərinə isə ölkə telekanallarında bədii televiziya filmləri çəkilib. Gənclər və İdman nazirliyinin «2003-cü ilin ən yaxşı gənc şairi»mükafatına, 2007-ci ilin «Rəsul Rza» ədəbi mükafatına layiq görülüb. 2008-ci ildə Moskvada MDB ölkələri gənc şairləri arasında keçirilən «Debütlər birliyi» şeir müsabiqəsinin diplomantı olub. Əsərləri Rusiya, Türkiyə, Polşa, Almaniya, Avstriya, Ukrayna, İran, Özbəkistan və sair ölkələrdə dərc olunub. Hal-hazırda Azərbaycan Yazıçılar Birliyinin Tərcümə bölməsinin rəhbəri, «Ulduz» jurnalının «Nəsr və poeziya şöbəsi»nin redaktorudur. Budaqlardan yerə gəlmiş qonaqlar, sarı yarpaqlar, Qonaq? Yox, yox yetim qalmış uşaqlar, - sarı yarpaqlar. Küləklə dost olub çox gəzdilər birlikdə dünyanı, Yəqin mən tək o cananı soraqlar sarı yarpaqlar. Ayağın dəydiyi hər bir yerə üz sürtmək istərlər, Odur şövq ilə torpağı qucaqlar sarı yarpaqlar. Yenə sənsiz göz ağlar, cism üryan, çöhrə sapsarı, Payızdır, gur yağış, çılpaq budaqlar, sarı yarpaqlar. Deyirlər hər ağac bir aşiqin qəm dəftəri olmuş. Bu dəftərdən qopan solğun varaqlar - sarı yarpaqlar. Elə bil tapdalanmış haqqıdır məzlumların yerdə, Bu az ömründə çox görmüş ayaqlar, sarı yarpaqlar. Eşitsən bağçada yüngül xışıltı, anla ki Fəhmi, Bilib talelərin sakitcə ağlar sarı yarpaqlar. Ağ duman tək yuxuna kaş ki, gələydim gecələr, Qəmli ruhun haralar gəzdi, biləydim gecələr. Hər səhər sübh nəsimiylə doğulmaqçün kaş, Baş qoyub sinənə sakitcə öləydim gecələr. Bölünüb min yerə, hər zərrəmi bir ulduz edib, Başın üstündə səmaya düzüləydim gecələr. Ağlayıb gündüzü biçarə bulud tək sənsiz, Baxaraq göz yaşıma sənlə, güləydim gecələr. Sən qaranlıqda ayı seyr elədikcə, mən də, Ruhuna ay işığıyla süzüləydim gecələr. Baş daşım üstə dodaq izlərini öpmək üçün, Allahımdan da xəbərsiz diriləydim gecələr. Fəhminin qəlbində son arzusu qalmış yalnız, Ağ duman tək yuxuna kaş ki, gələydim gecələr. İnsan deyiləm, indi bunu anlamışam mən, Eşq adlı buluddan süzülən bir yağışam mən, şıltaq yağışam mən.
Qəlbimdəki şəffaflığımı saxlamışam mən, çünki yağışam mən.
Yox ayrı yolum ki, ona dərdim danışam mən, dilsiz yağışam mən.
Mümkün ki deyil eşqin oduna alışam mən, çünki yağışam mən.
Çox şükr, rəqibin yolunu bağlamışam mən, qısqanc yağışam mən.
Torpaqlara biryolluğa qoyma qarışam mən, çünki yağışam mən.
Eşq aldı buluddan süzülən bir yağışam mən, bitməz yağışam mən.
Əksin niyə daşlaşdı, bilmə, mələyim, bilmə. Biz zirvəsinə eşqin ayrılmaq ilə çatdıq, Gecdir, yanıma artıq gəlmə, mələyim, gəlmə. Göz yaşı o günlərdən çöhrəndə qalan izdi, Gör bir necə acizdi, silmə, mələyim, silmə. Son saniyəsi ömrün qopmaqdadı əqrəbdən, Ölmək də düşüb dəbdən, ölmə, mələyim, ölmə. Təkcə sənin olsun qoy, ruhunda onu bəslə, Sən Fəhmini heç kəslə bölmə, mələyim, bölmə. Nə vaxtsa qəmli olsam, nağıl danış mənimçün, Nəfəs kimi daralsam, nağıl danış mənimçün. Yalan şirin zəhərmiş, məni həmişə aldat, Həqiqəti cırıb at, nağıl danış mənimçün. Bu günləri bir anlıq silib çıxart yadından, Unutduğum qadından nağıl danış mənimçün. Dəniz-dəniz günahdan xilas bəhanəsiylə, Mələklərin səsiylə nağıl danış mənimçün. Həyat duman kimiydi, itib-batıb dağıldı Ölüm də bir nağıldı, nağıl danış mənimçün. Əcəl yuxusu gəldi, bu yaşı sil gözümdən Yavaşca öp üzümdən, nağıl danış mənimçün. Bəlayə düşsə Fəhmi, xilas üçün gəlib sən Otur yanımda hərdən nağıl danış mənimçün. Dincəl bir az, ey hər gün özündən qaçan oğlan Ahıyla içindən çölünə yol açan oğlan. Düşsən yağışa, tez dəyəcəksən yerə, vallah Kağız qanad ilə göy üzündə uçan oğlan.
Ey şölələnib hər tərəfə nur saçan oğlan. Çox başqasının qanın içən görmüşəm, ancaq Heç görmədim öz qanını sən tək içən oğlan. Vaxtın çatıb artıq, daha bir gözdə məkan tut Dünya kimi gözdən-gözə daim köçən oğlan. Sən ki, ölüsən, dəfn eyləyiblər öz içində Yorma özün, ey qəbri üçün yer seçən oğlan. Kim Fəhmini gördü dedi - Əhsən hələ sağmış Dünyada cəhənnəm alovundan keçən oğlan. Gedən gəlib, fəqət mənim gedənlərim qayıtmadı Dumanda batdı yelkənim, gedənlərim qayıtmadı. Nəfəs də çəkmədən durub min ildi gözlərəm, fəqət Rahat yatan bu yolları ayaq səsi ayıltmadı, Gedənlərim qayıtmadı.
Yanağıma sığal çəkən sevinc yaşın axıtmadı, Gedənlərim qayıtmadı.
Ürəyimə dolan qara fikirləri dağıtmadı, Gedənlərim qayıtmadı.
Dilimdə söndü son sözüm, - Gedənlərim qayıtmadı, Gedənlərim qayıtmadı.
Al dodağınla gözümdən yaşı silmək vaxtıdır. Çox böyütdüm mən səni, qəlbə sığışmırsan daha, Parçalarsan qəlbimi, az-maz kiçilmək vaxtıdır. Başın üstündə bulud tək çox dolaşdım, indisə Ağ ayağın altda kölgən tək əzilmək vaxtıdır. Ey ürək, çox güldülər əhvalına, sən incidin, İncimə, bax güzgüyə, gül sən də, gülmək vaxtıdır. Damcı-damcı qəm suyu səndən keçərdi, ey gözüm, İndi gur seldir gələn, yoldan çəkilmək vaxtıdır. Azmışam ruhumdakı zülmət şəhərdə, qorxuram, Birtəhər imkan tapıb burdan əkilmək vaxtıdır. Bəsdi yatdıq bu qaranlıq, dar məzar içrə, yetər, Dur çağır gəlsin ölüm, Fəhmi, dirilmək vaxtıdır. Gecə ruhumda yanan şam ki, sönər sakitcə, İsti göz yaşı donub daşa dönər sakitcə. Tək buraxmam səni, ölsəm də əgər kölgən olub Daim ardınca xəyalım sürünər sakitcə. Sərsəri duyğularım diqqəti cəlb etmək üçün, Yenə şer adlı libasın geyinər sakitcə. Gecə göylərdə soyuqdurmu ki, mən yandıqca, Atəşim üstə mələklər isinər sakitcə. Bu qədər qəm yükünü çəksə də biçarə ürək, Səsi çıxmaz, gecə-gündüz döyünər sakitcə. Nakam aşiqlərinin ruhudu, qar şəklin alıb Saçına qonmaq üçün göydən enər sakitcə. Kimsəsizlik soyuğundan büzüşəndə Fəhmi, Yenə eşq oduna yarım, bürünər sakitcə. Güclə vaxt tapmış idim bircə nəfəs gülmək üçün Tez bəla gəldi dodaqdan gülüşü silmək üçün. Sənə dönmək nə səadətdi, burax əllərimi, Qoy gedim, itməyə yox-bir də sənə gəlmək üçün. Bütün ömrüm boyu dil tapmadım öz könlüm ilə, Can verərdim bu çətinlikdə dili bilmək üçün, Qələmimdən süzülür duyğularım ağ varağa, Dəftərim içrə beş-on günlüyə dincəlmək üçün. Cismi at, ruhunu azad elə artıq yükdən, Bir çinar yarpağı üstə göyə yüksəlmək üçün. Taleyin fırçasın almış dişinə çərxi-fələk, Ömrümü rənglərə göy qurşağı tək bölmək üçün. Mən sürünmək dolu bu ömrü verərdim, Fəhmi, Bir saatlıq kəpənək tək yaşayıb-ölmək üçün. Yad et məni könlündə diləklər görüşəndə Ovcunda al-əlvan kəpənəklər görüşəndə. Bir sevgi düşər qu quşunun ağ qanadından, Ruhumda o ağ, incə lələklər görüşəndə.
Göylərdə qılınc əldə, küləklər görüşəndə. Don vurmuş ümidlər ayılar qış yuxusundan Yaz yağmuru altında ürəklər görüşəndə. Qönçə açılıb zülməti qovdu öz içindən, İlk sübh şüasıyla ləçəklər görüşəndə. Tənha çıgırın rəngi bir azca açılardı Baş daşımın üstündə çiçəklər görüşəndə. Fəhmi, o zaman mən sənə şair deyərəm ki Şerinlə dinə göydə mələklər görüşəndə. Göyərçin boynu yumşaqdı, sığalla, amma sındırma Göyərçin qəlbi dustaqdı, burax uçsun, yubandırma. Göyərçin ömrü matəmli, göyərçin gözləri nəmli Qoy axsın inci göz yaşı, əlin vurma, bulandırma. Göyərçin sevgisi gizlin, soruşma, söyləməz sirrin Göyərçin ruhu ismətli, danışdırma, utandırma. Göyərçin tellərində şeh, aman vermə dağıtsın meh Göyərçin köynəyi dümağ, tozun içrə uzandırma. Göyərçin dimdiyi həssas, gecə ulduz yığar dən-dən Göyərçin fikri göylərdə, yolun kəsmə, dayandırma. Göyərçin könlü kövrəkdi, nolur, çox xətrinə dəymə Göyərçin bağrı çox incə, cızıb qana boyandırma. Göyərçin ki günahsızdı, sıxıb gizlətmə qoynunda Özün Fəhmi yanırsansa, onu, rəhm eylə, yandırma. Vəsfinə mən söyləyəndə sözlərin tənhasını, Kaş ki kölgən qızdıraydı üzlərin tənhasını. Bir ovuc torpaq olaydım sən keçən yollarda kaş Saxlayardım sinəm üstə izlərin tənhasını. Bir ümidsiz ay gəzər göylərdə tənha hər gecə, Sübhü gözlər ki görə gündüzlərin tənhasını. Dünyadan köçdüm, məni göylərdə axtar hər gecə, İndi məskən seçmişəm ulduzların tənhasını. Fəhmi, ətrafa baxıb tənha ölümdən qorxma çox Əllərin tənhası örtər üzlərin tənhasını. Ümid qeyb oldu, ruhumda qaranquşlar ölən gündən Mən eşqimdən qaçaq düşdüm sən insafa gələn gündən. Daha hifz eyləyən yoxdur bəladan ruhumu, yəqin Mələklər də küsüb məndən, səni tanrım bilən gündən. Uçub getsəm də yanından, elə bilmə ki tənhasan, Başın üstündəyəm hər gün, səmaya yüksələn gündən. Saralan çöhrəmin rəngi mənimçün yadigar qalmış Payız yarpaqlarıyla sən gözüm yaşın silən gündən. Cəhənnəm quşları açmış mənə öz odlu ağuşun Səni tapmaq yəqin ikən gümana çevrilən gündən. Yuxum üz döndərib məndən, gözüm bağlanmayır bir dəm O məsum çöhrəvin əksi gözümdə dincələn gündən. Atıbdır Fəhmini hiddətlə dərdin qoynuna tanrım Sevinclə dərd arasında bu dünyanı bölən gündən. Bir mən kimi yalqız bulud ağlar göy üzündə, Öz sevgisin həsrətlə soraqlar göy üzündə. Qalxdı göyə eşq odu sinəmdən gecə düşcək, Ordan od alıb yandı çıraqlar göy üzündə.
Allah onu çırpmaz yerə, saxlar göy üzündə. Meh aldı daraqdan saçıvı, çəkdi səmayə, Rahatca onu indi qucaqlar göy üzündə. Göy gurladımı? Ya ki sinəmdən çıxan ahı Zalım fələk hiddətlə ayaqlar göy üzündə. Hər məktubumu yüz yol öpərdin, niyə indi Ağ quşlara döndü o varaqlar göy üzündə. Fəhmi, bu qədər şövq ilə yanma, görən olsa, Biçarə günəş tək asacaqlar göy üzündə. Durmuşam sahildə tənha, bir dənizdir, bir də mən Gözdən itmiş sanki dünya, bir dənizdir, bir də mən Vaxt var idi birgə idik, sevgilim, mən və dəniz, İndi yox heyf ol dilara, bir dənizdir, bir də mən Cümlə aşiqlər səni görmək ümidin üzdülər, Göz dikən yoluna bica bir dənizdir, bir də mən Axşam oldu, hamı yatdı, həsrətindən yatmayan Görməyən heç vaxtı rö’ya bir dənizdir, bir də mən Çoxları görcək səni öz eşqin e’lan eyləyib Çağlayan eşqinlə amma bir dənizdir, bir də mən Bir zaman Məcnun idi divanə, səhra məskəni İndi yox Məcnun, nə səhra, bir dənizdir, bir də mən Fəhmi, həsrət üçbucağı çəkdi tale ruhuma Yaxşı bax - bir qəmli xülya, bir dənizdir, bir də mən Sinəm dar bir qəfəsdir, orda sevdalı ürək dustaq, Qalıb biçarə bu zülmətdə müddətdir ki tək dustaq. Gözüm yaşın töküb ah eylərəm hicran otağında Nədir bu? Dörd divar içrə yağış məhbus, külək dustaq. İlahi, hər duanın dövrəsin min-min günah tutmuş, Nə qanundur, tikan içrə ola hər bir çiçək dustaq? Dayanma cismdə, sındır, dağıt bu məhbəsi, könlüm, Azad olmaq ümidin gəsməsin heç vaxt gərək dustaq. Mən iblisin əcəl zindanıyam ki tanrıdan gizlin İçimdə ahü-fəryad içrə minlərlə mələk dustaq. Fələk zülmü kəsilməzsə, bezib ruhlar qiyam eylər Bu aciz ruhlara bir gün olar çərxi-fələk dustaq. Göyə baş vurmaq istərsən, buna Fəhmi, gücün çatmaz Yerin tərkində əvvəl olmasan fəvvarə tək dustaq Ver sərvətini, şöhrəti-şanı yel aparsın Qoyma fəqət əhd ilə vəfanı yel aparsın. Dilbər, elə məst etdi məni saçların ətri Az qaldı gözümdə bu cahanı yel aparsın. Saf eşqimizi məhv edə bilməz dəli hicran Harda görünübdür ki, şüanı yel aparsın. Tutmuş yenə ətrafımızı hicr dumanı Ey sinə, bir ah çək bu dumanı yel aparsın. Cismim elə incəldi bəla-dərd yükündən, Az qaldı ki, mən bəxtiqəranı yel aparsın. Aç ruhumuzun pəncərəsin, ey ulu tanrım, Qoy fitnə-fəsad, hiylə-riyanı yel aparsın. Yetmir duam allahıma, Fəhmi, xahiş eylə O yerlərə bəlkə bu duanı yel aparsın. Nədəndir sakit olmaz, hər gün aramsız əsər xəzri, Yə’qin ki, axtarır hər yerdə ol güldən əsər xəzri. Rəva görməz özündən başqa bir kəs o gülə baxsın Onunçün gözlərimə gündə toz-torpaq ələr xəzri. Necə gör bir sınıbdır qol-budağım, öylə bil ki, mən Açıqlıqda bitən tənha çinarəm, qəm-kədər xəzri. Səbanın istirahət vaxtı çatmışsa, zərər yoxdur, Saçın ətrin bu gündən ver gətirsin hər səhər xəzri. Ayağın dəydiyi hər zərrə torpağı öpərdim mən Götürüb qaçmasaydı məndən əvvəlcə əgər xəzri. Bir an da istəmir ki, səndən ayrılsın, onunçün də Bu yerlərdən kənara etməz heç bir vaxt səfər xəzri. Bu yanda Fəhmi tək aşiqlərin qalmış sənə həsrət O yanda çəkmiş ağuşa səni o bəxtəvər xəzri. Gecələr göydə səni çox gəzib axtardı yuxum Zülmətin baqrını ağ eşqi ilə yardı yuxum. Gəlməyirsən yuxuma xeyli zamandır, bəlkə Hüsnünün hədsiz olan nuru üçün dardı yuxum. Gah buludlu göy olur, gah dəli, tufanlı dəniz Gah da qəm ətri verən laləli gülzardı yuxum. Ağlayıb yalvarıram hər gecə ki, rəhm eləyib Səni bir anlığa bəlkə mənə qaytardı yuxum. Gözümə xeyli zamandır ki, görünmür, utanır Tapa bilmir səni, qarşımda günahkardı yuxum. Sən ki, getdin, o zamandan da yuxum qeyb olmuş Ayrılıq sanki günəşdi, əriyən qardı yuxum. Vardı günlər ki, görərdi yuxuda Fəhmi səni Necə xoşbəxt zamanlardı, hələ vardı yuxum.
Mən ki öz şerimə bükdüm qəmi misra-misra, Qəm də şerimlə gəzir aləmi misra-misra. Dərdimi bildi təbibim, mənə bir şer oxudu Sanki çəkdi yarama məlhəmi misra-misra.
Gül yanaqlarda donan şəbnəmi misra-misra. En səmadən, mələyim, ki səni vəsf etmək ilə Dağıdım qəlbə dolan matəmi misra-misra. Yazılır dəftəri-eşqə ürəyim qanı ilə Ömrümün sənsiz ötən hər dəmi misra-misra. Sevmişəm bir gülü ki varlığa bir incə qəzəl, Nazı beyt-beyt eliyir, çəm-xəmi misra-misra. Bəlkə Həvva da o vaxt Fəhmi kimi şair olub, Yəni yoldan çıxarıb Adəmi misra-misra. Məgər heyran olubdur hüsnünə, ey məhliqa kölgə Ki ardınca sürünməkdən yorulmur binəva kölgə. Bir aşiqdir ki cismində təmamən dağsız yer yox, Görənlər zənn edər düşmüş dalınca bir qara kölgə. Həsəddən lalə tək qan oldu bağrım görcəyin, ey şux, Tutub daim ayağından öpür hey bihayə kölgə. Nə qədri var idi dost-aşina, qeyb oldu dar gündə Yanımda qaldı yalnız bir həqiqi aşina – kölgə. Nə qədri dərdü-qəm vardırsa cismimdə, çıxar ol dəm Bir anlıq başıma salsa əgər ol dilrüba kölgə. Nədən rəngin dəyişmir, çıxmayır matəm libasından Yəqin ki bir şəhidi-eşq üçün saxlar əza kölgə. O qədri incəlibdir dərdü-qəmdən Fəhminin cismi Görənlər bilməyir ki, canlı məxluqdur bu, ya kölgə. Yatmışdı həqiqətdə o kəs ki hələ sağdır, Gözlərini dünyayə yuman gündən oyaqdır. Bir zirvəsi qarlı uca dağdır ki qəmi-eşq Şair təbi ordan su alan xırda bulaqdır. Allah əbədiyyət sarayın bizlərə vermiş Dünyamız o zinyətli sarayda bir otaqdır. Dağlarca əzab verdiyi üçün mənə dövran Dağdan da böyük yarəli sinəmdəki dağdır. Var-dövləti tutmaqçün ayaqlar da əl olmuş, İmanı atıb qaçmağa əllər də ayaqdır. Dünyaya qonaqdır dedilər hər gələn insan Hər halda qonaqdırsa da çox üzlü qonaqdır. Məcnuna həyat yoldaşı qəm, Fəhmiyə möhnət, Aləm dedi - Məcnun ilə Fəhmi bacanaqdır.
Yollarda qalıbdır ala gözlər, səni gözlər. Yaş töksə də hər gün yenə gözlər səni, gözlər.
Həsrətli ürəklərdə dənizlər səni gözlər. Gül çöhrəni seyr etmək üçün növbə çəkirlər, Ay gecə, günəş isə gündüzlər səni gözlər. Sanma ki, çəməndə bu qədər lalədi, şahım Al qırmızı örpəkli kənizlər səni gözlər, Görcək səni diz çökməmək olmur, mələyim, gəl Qatlanmağa hazırdır bu dizlər, səni gözlər. Ey ruhuma həmdəm qələmim, bəsdi dayandın Qəlbdən süzülən qüssəli sözlər, səni gözlər. Sən gəldiyin o yolları bu Fəhmi həvəslə Göz yaşı ilə gündə təmizlər, səni gözlər. Suda qərq etsə də ey dil, məni-naçarı yağış, Söndürə bilmədi qəlbimdəki odları yağış. Göydə səyyarələr ağlar mənə, bir bax, bu su da, Yarı səyyarələrin göz yaşıdır, yarı yağış. Soyuq ahım ki buludlu göyə getdi, çatdı, Ol zamandandı tutub çölləri, gülzarı yağış. Necə ar eyləməyib busə o güldən dilədim, Yuyub üzdən aparıb yoxsa həya, arı yağış? Əhli-eşqəm mənə, ey dil, nə gərək sərvətü-var Könlümün sərvəti atəş, gözümün varı yağış. Necə gör möcüzəli bir sədəf imiş yanağın Ona dəydikcə səpər hər yana mirvari yağış. Göz yaşım görsə bilər sirrimi xəlq, əhsən ki Qoymadı faş ola qəlbimdəki əsrarı yağış. İstəmir zərrə qədər toz da qala gül üzdə Ol səbəbdəndi yuyur çöhreyi-dildarı yağış. Kəbeyi-kuyinə üz tutmuş ikən eşq əhli Yağdı ki, pak eləsin bir belə zəvvarı yağış. Dinlə, gör bir nə həzindir yağışın zümzüməsi Yoxsa ki istəyir ötsün kamanı, tarı yağış. Bircə an, ey pəri, cəlb etmək üçün diqqətivi Gündə kuyində təmizlər dərü-divarı yağış. Fəhminin kimsəsi yoxdur bu biyabanda, gülüm, Dostu, sirdaşı külək, həmdəmi qəmxarı yağış. Eşqə düşmüş, həm inildər, həm fəğan eylər saat Çün fəğan etməklə əhvalın əyan eylər saat. Hər qədər ki sənsizəm gün uzadır hər anı, Sənlə olsam bir günü neyçün bir an eylər saat. Ömrümüzdən anları kəsdikcə toplar bir yerə, Xatirə adlı işıqlı bir cahan eylər saat. Bilmirəm Fərhad olub çapmaqla ömrüm dağını Hansı Şirinə qəmi-eşqin bəyan eylər saat. Bir belə qüdrət ki var hökmündə, hardandır ona? Bətndə yoxsa fələk çərxin nihan eylər saat. Söyləyin canında heç bir zərrə yoxmu qorxusu? Cismini əqrəblər üçün aşiyan eylər saat. Fəhmi, vaxt adlı ədalətli şahın məmurudur Hər yana öz şahının hökmün rəvan eylər saat. Zülmət içrə görünən şöləyə döndüm - yandım Can verən, məhv olan ulduz kimi söndüm - yandım. Yandırır bircə baxışla, dedilər, ol dilbər, Gözünə bircə dəfə mən də göründüm - yandım. Çünki qanundu bu, sürtünmədən atəş yaranar Mən də şamü-səhər ardınca süründüm - yandım. Qəlbimi eşq odudur hifz eləyən dünyada Ondan ötrü alova böylə büründüm - yandım. Fəhmiyə tale bütöv yanmağı da çox gördü Şüşə tək min bir əziyyətlə bölündüm - yandım. Şeri yazdım ki biləm sənli sözüm kəldi sənə Bəlkə mənsizliyə bir azca dözüm gəldi sənə. Sənə baxdım o qədər ki, məni gözsüz buraxıb Gizlənib qəmli baxışlarda gözüm gəldi sənə. Mən alışdım bu soyuqda isidim azca səni, Yüyürüncə alovum söndü, közüm gəldi sənə. Bədənim öylə zəif ki, ayağımdan yapışıb Düşmədi bir daha torpağa, izim gəldi sənə. Sən ki məndən su umurdun bir ovuc, əfv eylə, Yox bu səhradə su, ovcumda üzüm gəldi sənə. O qədər ki sənin ardınca süründü Fəhmi Parçalanmış ayağım, qanlı dizim gəldi sənə.
Kimsə dərman edə bilməz, ümidim yarə qalıb. Həm vüsal istəyirəm, həm də ki hicran qəmini, İki xülya arasında könül avarə qalıb. Səni görcək özünü öylə itirmiş könlüm Neçə vaxtdır ki özün axtara-axtarə qalıb. Çəkcəyin qəm bıçağın üstümə hicran, gördüm Ürəyim yoxdu, yerində neçə yüz parə qalıb. Qalmadı kimsəyə borcum bu cahanda, ey dil, Bircə can borcu qalıb ki o da dildarə qalıb. Paylananda hamıya bəxt, mənim bəxtimdən Çatdı növbəm, dedilər - ağ qutarıb, qarə qalıb. Fəhminin fikrü-xəyalı yenə göylərdə gəzir Ev-eşik dərdini çəkmək isə İlqarə qalıb. Ürəyimdən başıma gündə ilanlar sürünür, Nə qədər öldürürəm, yerdə qalanlar sürünür. Can verən doğruları dəfn edərək qəlbimdə, Dilimə sarı yenə səylə yalanlar sürünür. Elə ağır yük imiş insan üçün böylə ömür, Ki verənlər yatır asudə, alanlar sürünür. Bu nə dünyadı, ilanlar uçuşur göylərdə Qara torpaqdasa qartal doğulanlar sürünür. Fəhmiyə çərxi-fələk gör necə məclis qurmuş, Oxuyan öndə qaçır, dalda çalanlar sürünür. Bu həyat yolları ilə yeriyirsən, böyüyürsən Büdrəyirsən, yıxılıb daşa dəyirsən, böyüyürsən. Eşq odunda ərisəm də, yox olub getmərəm əsla Elə oddur bu yanırsan, əriyirsən, böyüyürsən. Belə getsə mənə yerləşməyəcəksən, dəli könlüm Neçə qəm köynəyin üst-ütsə geyirsən, böyüyürsən. Həqq qabağında əyildikcə, güman etmə kiçildin Elə ki dildə dualar baş əyirsən - böyüyürsən. Bu həyatda hərə bir cür böyüyür, Fəhmi, sən isə Körpəlikdən elə qəm-qüssə yeyirsən, böyüyürsən. Çatıbdı vaxtı, gedir son baharı gəncliyimin Yubanmağa daha yox ixtiyarı gəncliyimin.
Susuz qalıb, quruyubdur çinarı gəncliyimin. Yanımda sən yox idin, ondan ötrü böylə dolub Kağız çiçəklər ilə laləzarı gəncliyimin. Əgər kədərli, həzin nəğmə tək düşürsə yada Sənin xəyalın idi bəstəkarı gəncliyimin. Sənə yetişmək üçün ki özün fəda elədi Gərək qapında qazılsın məzarı gəncliyimin. Xəzəl kimi səpələnmişsə yerdə duyğularım Demək küləkli keçib ruzigarı gəncliyimin. Neçin bu Fəhmini tək qoydun intizar içrə Sənə yetişmədimi ahü-zarı gəncliyimin. Gördüm səni bir qış gecəsi şam işığında, Sardı məni sevmək həvəsi şam işığında. Bu qış gecəsində əbədi qalmaq üçün, gəl Birlikdə verək son nəfəsi şam işığında. Bir sərsəri sevdanın ölüm rəqsinə bənzər, Lal kölgələrin titrəməsi şam işığında. Atəşlərə baş vurmağa səslər bizi sanki, Pərvanələrin qəhqəhəsi şam işığında. Yoxsan, sənin üçün darıxıbdır otağım da, Sənsiz saralır pəncərəsi şam işığında. Qopduqca ömürdən yol alır yoxluğa doğru Sənsizliyin hər saniyəsi şam işığında. Fəhmi, yenə şəmin gözünün yaşı axırsa Gəlmir niyə hönkürtü səsi şam işığında? Ömür yolu bir varaq, yarı qara, yarı ağ Tanrı çəkib yüz zolaq, yarı qara, yarı ağ. Sinədə həm ayrılıq, həm də ümid atəşi, Tüstü verər bu ocaq, yarı qara yarı ağ. Körpə nəfəs şöləsin örtdü əcəl kölgəsi Kimsə ölür, kimsə sağ, yarı qara, yarı ağ. Oxşa dumana-çənə, ruhunu birrəng elə Olma buludlar sayaq, yarı qara, yarı ağ. Gözlərimlə yarımın əksi düşübdür yenə Qönçə dodaq, al yanaq, yarı qara yarı ağ. Fəhmi, ürəkdən doğan arzularım, hisslərim Şaxələnir min budaq, yarı qara yarı ağ. Elə dünyaya düşdük ki qaralar ağ yeyir - doymur, Bacarsa öldürür, öldürməsə sağ-sağ yeyir - doymur. Düşübsə iblisin zindanına ruhun, əl üz ondan, Elə zindandı bu hər gündə yüz dustaq yeyir - doymur. Kiminə bir içim su, bir udumluq duz-çörək bəsdi Kim isə gündə bir bərya içir, bir dağ yeyir - doymur. Nə qədri məzlumun ahın udur göylər, udur-bezmir Nə qədri canfəda mərdlər yeyir torpaq, yeyir - doymur. Bu yandan bir vəfasız yar, o yandan rəhmsiz dövran Bu qansızlardı, Fəhmi, ömrümü ortaq yeyir - doymur. Səslər Alim Qasımova həsr olunur Mənə səndən əlamətdir bu dünya içrə hər bir səs, Sənin şəklin çəkir qəlbə gecə bir səs, səhər bir səs. Tamam yandırdı cismi eşq, eşq odu məndən qalıb ancaq Göyə qalxıb sənə doğru yol almış bəxtəvər bir səs. Məni meyxanədə yalnız qədəh cingiltisindən sor Mənəm bu bəzmdə sərməst, özündən bixəbər bir səs. Məni tənha görürkən kimsəsiz zənn etmə, ey qafil Başım üstündə hər gün ağlayar bir səs, gülər bir səs. Elə ki, sirli cahan içrə göründüm, Gecə gündüz o səs ardınca süründüm, Bədən artıq yük imiş burda, nəhayət Mən də sıyırdım özümdən, səsə döndüm. Səslərin ətri olur, rəngi olur, dadı olur Səslərin söz kimi övladı olur. Səslərin ərşə çıxan qəhqəhə Səslərin qəmli muğamlar kimi fəryadı olur. Göydən enmiş bir sədasan şübhəsiz Xəstə könlümçün dəvasan, şübhəsiz Sirli səs dünyası içrə, Son səsə ilk aşinasan, şübhəsiz. Qüssə qəm şaxtası dondursa əgər Ömr bağında ümid güllərini, Ruhunu sıxsa əzab, qüssə, kədər- Gözünü yum, o səsə sarı kəs uzat əllərini o səsə sarı kəs, at əllərini, O səsin istisi vurduqca səni Asta-asta əriyər əllərinin buz kəfəni, Əridikcə su damar torpağa sakit-sakit O solub getmiş ümid gülləri də Başlayar qalxmağa sakit-sakit. Atəşi çək ruhuva hər dəm, hər aldıqca nəfəs Yox elə varın ki səndən qalsın ancaq sirli səs. Səslərin səhrasıdır son mənzilin, son məskənin Susma, bu sonsuz səmada sakin olmaqçün tələs. Sən də bu səhrada yalqız bir sədasan mən kimi Yox imiş yalqızlara səsdən-sədadən qeyri kəs. Sən ki səslər sahibindən bir nişansan, çarə qıl Qoyma olsun son məkanım səs səmirsiz bir qəfəs. Səsdən yaranıb çünki bu dünya Səslərdi bizə cilvəli röya, Axırda bizi ruzi-qiyamət Səs eyləyəcəkdir yenə ehya, Səs eyləyəcəkdir yenə ehya.
Baxmadı kimsə bu miskin ürəyin naləsinə, Əlim hər yandan üzüldü, ümidim qaldı yenə Sənə doğru açılan əllərimin kölgəsinə. Eşqinin şimşəyi ki, ömrümün üstə çaxdı, Qəlbdə yatmış olan sevgi oyandı, qalxdı, Qorxa-qorxa çölə boylandı, yavaşca axdı Sənə doğru açılan əllərimin kölgəsinə. Qanad açmışdı ümidim, göy üzündə süzərək Birdən oxlarını yağdırdı onun üstə fələk, Düşdü biçarə səmadan yaralı qu quşu tək Sənə doğru açılan əllərimin kölgəsinə. Göyə qalxdıqca əlim zülmətə batdı hər yan Bircə anlıq elə bildim ki, günəşdir tutulan, Sonra gördüm, demə Allah, sığışıb cümlə cahan Sənə doğru açılan əllərimin kölgəsinə. Yenə də Yenə xatırlayacaqsan bu evi Yenə də zəng edəcəksən: Gəlirəm Yenə də yalvaracaqsan: Gözlə, Heç yerə getmə, bu günlük səninəm. Yenə kölgən cızacaq pəncərəmi Girəcəksən elə bil öz yuvana, Yenə palton düşəcək qollarıma Yenə çantan uçacaq boş divana. Yenə sakitcə yumub gözlərini Kürəyin söykədəcəksən sinəmə Yenə guya unudub sözlərini Deyəcəksən ki, demə, heç nə demə. Yenə dinməz dayanıb bir müddət Arxadan boynuna ahlar səpəcəm Saçını sonra səliqəylə yığıb Çiyninin ağ dərisindən öpəcəm. Ağ belindən götürüb əllərimi Yenə bərk-bərk sıxacaqsan döşünə Yenə də tuş gələcək lal baxışım, Al dodaqlarını sıxmış dişinə. Sinən aramsız enib qalxınca Mən gedib bağlayacam çöl qapını. Söndürülmüş siqaretlərlə yenə Birbəbir dolduracam külqabını. Yenə də seyr edəcəm dinməzcə Çiyinindən sürüşən köynəyini, Yenə də gözləyəcəm tez soyunub Tələsik lampanı söndürməyini.
Sübhəcən çırpınacaq, ağlayacaq Yenə dırnaqların ac qırğı kimi Sinəmi, boynumu cırmaqlayacaq. Yenə qışqırtın, iniltin qopacaq, Sıxacam ağzını ovcumla yenə Qonşuda xeyli qulaq şəklənəcək Ehtirasın bu həyasız səsinə. Yenə həzzin çatacaq son həddə Bədənin od tutacaq, allanacaq…… Sonda halsız düşəcəksən yatağa, Ayağın çarpayıdan sallanacaq. Yenə titrək həyəcanlı səslə Açacaqsan mənə öz hisslərini, Yenə də axtaracaq süst baxışım Bədənində yad öpüş izlərini. Yenə də inciyəcəksən məndən Deyəcəksən: Soyuyub ehtirasın. Yenə xatırlayacaqsan bir vaxt Bizi uydurmuş o şəhvət havasın. Yenə laqeydliyimdən usanıb Əsəbi yellədəcəksən əlini, Sanki qəsdən məni cırnatmaq üçün Yenə tərifləyəcəksən ərini. Bezib axır susacaqsan, birdən Yenə də yastığa çırpıb üzünü, Dözməyib gəldiyin üçün bu evə Yenə lənətləyəcəksən özünü. Yenə də hönkürəcəksən xeyli Nəmli yastıq udacaq göz yaşını, Sonra sakitləşəcəksən azacıq, Ah çəkib qaldıracaqsan başını, Yenə qalxıb yığacaqsan yerdən Səpələnmiş təzə pal-paltarını, Geyəcəksən yenə tənbəl-tənbəl Əyninə köynəyini, şalvarını. Qapıda bir də yumub gözlərini Kürəyin söykədəcəksən sinəmə, - Sənə mən ömrümü bəxş eylərdim Bircə yol barı desəydin - ELƏMƏ…. Gecə kəpənəyi Zahirdə - təbəssüm satan asudə dodaqlar, Batində - ölən arzuların gizli məzarı. Zahirdə - soyuq, şəbnəmi buz lalə yanaqlar, Batində - axan göz yaşının isti buxarı. Gözdə oxunan niyyəti çılpaq, sözü çılpaq, Ruhunda-hər an zorladığı ismətin ahı. Bir incə mələk, taleyi çılpaq, özü çılpaq, Şəhvətdə batıb, anbaan artmaqda günahı. Gündüz dolanar boynuna ağ körpə biləklər, Axşam qara əllər gəzər halsız bədənində. Gündüz bala eşqiylə sönük ruhu çiçəklər Axşamsa tikanlar bitər əlvan çəmənində. Zalım fələyin qanlı dəmir məngənəsində Hər gün sıxılırdı, əzilirdi, kiçilirdi, Qansızların işrətli səfa təntənəsində Əllərdə gəzir, dadlı şərab tək içilirdi. İncitmə onu, göz yaşı görsən yanağında Bəlkə də bu su ruhunu bir azca təmizlər. Məlum deyil əsla ki hələ həqq qabağında Kimdir üzü qarə, o çiçək, yoxsa ki, bizlər? Илгар Фящми щаггында йазыланлардан İlqar Fəhminin ilk qəzəllər kitabı məni həm sevindirdi, həm də heyrətləndirdi. Sevincimin səbəbi aydındır, ədəbiyyatımıza yeni və çox istedadlı bir müəllifin gəlməyinə sevinməmək olmaz. Heyrətimin səbəbi isə odur ki, bu gün şerdə yeniliyi yalnız vəzndə və şəkildə görənlərdən fərqli olaraq, İlqar Fəhmi qəzəl kimi ənənəvi bir formaya tamamilə yeni bir ruh verə bilmişdi. İlqarın yazdığı qəzəldir, lakin ənənəvi qəzəl deyil. Əliağa Vahidin və Süleyman Rüstəmin qəzəllərindən sonra, mən çağdaş ədəbiyyatımızda bu qədər mükəmməl qəzəllər oxumamışam. Anar. Xalq yazıçısı Azərbaycan Yazıçılar Birliyinin sədri. 2003 İlqar Fəhmi mənim böyük ümid bəslədiyim istedadlı gənc şairlərimizdəndir. Ömür enişli-yoxuşlu olduğu kimi yaradıcılığın da, sevinci-kədəri, uçuşu-enişi olur. Əsas şərt gəncin istedadlı olması, qəlbində allahın verdiyi istedad adlı bir işığı gəzdirməsidir. Biz onun gələcəkdə yazacağı əsərlər naminə ona indidən qayğı göstərməli, kömək etməliyik. Bunu da bacarmasaq, heç olmasa mane olmayaq. İlqar indi qəzəllər yazır. Sonra nə yazacaq, necə yazacaq-onun öz işidir. Vacib olanı odur ki, İlqar istedadlıdır, yazdıqları da daim istedadlı adamın əsərləri kimi o birilərindən seçiləcək. Fikrət Qoca. Xalq şairi Azərbaycan Yazıçılar Birliyinin Birinci katibi. 2003 Abşeron Bakı kəndlərindən Azər, Səməd Mənsur, Əliağa Vahid, Baba Pünhan və onlarca belə istedadlı şair çıxmışdır. İndi bu adlara daha bir ad da qoşuldu - Zirəli İlqar Fəhmi. Qəzəllərindən və başqa formalı şerlərindən görünür ki, o həm klassik şeir, həm də müasir şeir formalarını çox gözəl bilir. Onun qəzəlləri şer üçün vacib olan təşbeh, mübaliğə, istiarələrlə zəngindir. Fikrət Sadıq. Xalq şairi 2004 İlqar Fəhminin tarixi detektivlərini oxuyanda, hiss olunur ki, yazıçı müasir postmodernistlərin yaradıcılığıyla birgə, XX əsr kəskinsüjetli ədəbi əsərləriylə də, yaxından tanışdır. Ələlxüsus, tarixi-detektiv janrını bütün dünyada populyarlaşdıran və bununla da, müasir ədəbi prossesdə yeni cığır açan Umberto Ekonun təsiri daha çox hiss olunur. «Çənlibel tülküsü» povesti gənc, istedadlı yazıçı İlqar Fəhminin tarixi detektiv janrında olan ilk əsəridir və mən ümid edirəm ki sonuncu olmayacaq. Fikrimcə, İlqar Fəhmi yeni əsərləriylə sübut etdi ki yeni əsrdə Azərbaycan ədəbiyyatı hələ də maraqlı paradokslar yaratmağa qadirdir. Və bu inama görə İlqar Fəhmiyə təşəkkür edirəm. Çingiz Abdulayev. Xalq yazıçısı 2005 Detektiv əsərlərə o qədər həvəs göstərməsəm də, İlqarın «Aktrisa» romanını böyük maraqla oxudum və məndə şübhə yeri qalmadı ki, qəzəl şairi kimi təqdim olunan İlqar Fəhmi, həm də, peşəkar nasirdir. Onun «Qarğa yuvası» romanı mənim bu qənaətimi növbəti dəfə, və daha əsaslı formada təsdiqlədi. Bu əsər İlqarın ciddi bir nasir olduğunu tam aydınlığı ilə göstərdi. Rəşad Məcid. Yazıçı-publisist. «525-ci qəzet»in baş redaktoru 2005 Mən istərdim ki, ədəbi tənqid də, ixtisaslı tənqidçilərimiz də, İlqar Fəhminin «Qarğa yuvası» romanı haqqında öz mötəbər sözlərini desinlər. Əsərin kitab halında çapına yardım edilsin, onu ölkəmizdə olan ədəbi mükafatlardan birinə təqdim etsinlər. Əsərin müəllifinə rəğbətim həm də, ondan irəli gəlir ki, mənim «Nəsimi» poemam da, bir növ, yarımtarixi əsərdir. Mən öz Nəsimimi elə təsəvvür edib yazmışam, İlqar Fəhmi öz Koroğlusunu belə təsəvvür edib, yazıb. Çox rahat, asanlıqla oxunan bu əsər yəqin ki, çox çətinliklə yazılıb. Məncə, əslində yaxşı əsər çətin yazılmalı, asan oxunmalıdır. Qabil. Xalq şairi 2006 Китабын ичиндякиляр
************** Çapa imzalanıb: 17.03.2010. Format: 70x100 1/32. Qarnitur: Times. Ofset kağızı: əla növ. Həcmi: 3,25 s.ç.v. Tiraj: 1000. Sifariş №28. Qiyməti müqavilə ilə. “Mütərcim” Nəşriyyat-Poliqrafiya Mərkəzi Bakı, Rəsul Rza küç., 125 Tel./faks 596 21 44 e-mail: mutarjim@mail.ru “525 Kitab” seriyasından 2009-cu ildə əsərləri nəşr olunan müəlliflər: Dünya ədəbiyyatından İosif Brodski Orxan Pamuk Şota İataşvili
Anar
Elçin Ramiz Rövşən Əjdər Ol Ədalət Əsgəroğlu Yüklə 242,72 Kb. Dostları ilə paylaş:
|