Nizomiy nomidagi toshkent davlat pedagogika universiteti sirtqi bo’lim “pedagogika” kafedrasi

NIZOMIY NOMIDAGI TOSHKENT DAVLAT PEDAGOGIKA UNIVERSITETI
Sirtqi bo’lim
“PEDAGOGIKA” KAFEDRASI
“Pedagogik mahorat” fanidan
MAVZU: PEDAGOGIK FIKR TARIXI VA MAKTAB AMALIYOTIDA O’QITIVCHI MAHORATI MASALALARINING O’RNI VA AHAMIYATI
Mavzusidagi
KURS ISHI
Bajardi:
Ilmiy rahbar:


Toshkent – 2023
M U N D A R I J A
KIRISH…………………………………………………………………...2-5
Ⅰ BOB. PEDAGOGIK FIKR TARIXI VA MAKTAB AMALIYOTIDA O’QITIVCHI MAHORATI MASALALARINING NAZARIY ASOSLARI…………………………………………………………………….6-25
1.1. Eng qadimgi davrlardan eramizning VII asrlarigacha bo’lgan davrlarda o’qituvchi, shogird va ularning jamiyatdagi o’rni to’g’risidagi qarashlar……….6-11
1.2. Sharq mutafakkirlari ijodiy meroslarida mudarrislarni tanlash, ularga qo’yiladigan talablar…………………………………………………………...12-26
Ⅱ BOB. MAKTAB AMALIYOTIDA O’QITIVCHI MAHORATI MASALALARINING O’RNI VA AHAMIYATI…………………………..27-36
2.1. Maktab amaliyotida o’qituvchi mahoratini oshirishga qo’yiladigan talablar ………………………………………………………………………...27-31
2.2. Pedagogning kasbiy mahoratini oshirish yo’llari …………………..32-36
XULOSA……………………………………………………………….37-39
FOYDALANILGAN ADABIYOTLAR RO‘YHATI………………..40-41


KIRISH
Mavzuning dolzarbligi: Ta’lim va tarbiya tarixini o‘rganar ekanmiz, uning rivojlanishi, yillar davomida shakllanib borishi ustoz va shogird faoliyatiga bog‘liqligining guvohi bo‘lamiz. Eng qadimgi davrlardayoq mudarrislar (o‘qituvchilar) ta’lim va tarbiyaning samarali ta’sir usullarini qidirib topib, hayotga tatbiq eta boshlaganlar. Buning natijasida eramizdan oldingi davrlardayoq ta’lim-tarbiyaning samaradorligiga erishilishi uchun o‘qituvchiga bo‘lgan talablar kuchayib bordi. O‘qituvchi mahoratini takomillashtirish yuzasidan turli g‘oyalar, nazariya va tavsiyalar paydo bo‘la boshladi.
O‘qituvchi barkamol avlod ta’lim-tarbiyasi uchun javobgar shaxs bo‘lib, nafaqat ma’naviy-axloqiy madaniyati bilan atrofdagilarga o‘rnak bo‘lishi, shu bilan birga, pedagogik mahoratini ham namoyon eta olishi, yetuk o‘qituvchi sifatida malakali kadrlarni tayyorlash ishiga o‘zining munosib hissasini qo‘shishi zarur.
Pedagogik mahoratga ega bo‘lish, o‘qituvchi uchun ta’lim-tarbiya samaradorligini ta’minlovchi zamin bo‘libgina qolmasdan, ayni vaqtda, uning jamiyatdagi obro‘-e’tiborini ham oshiradi, o‘quvchilarga nisbatan hurmat yuzaga keladi.
Kasbiy mahoratni oshirish yo‘lida amaliy harakatlarni tashkil etish pedagogik faoliyatda yo‘l qo‘yilgan yoki qo‘yilayotgan xatolardan holi bo‘lish, o‘quvchilar, hamkasblar hamda ota-onalar bilan munosabatda muvaffaqiyatlarga erishish imkoniyatini yaratadi¹.
O‘z davrlarida Abu Nasr Forobiy, Yusuf Xos Hojib, Sa’diy Sheroziy, Abu Rayhon Beruniy, Abu Ali ibn Sino, Alisher Navoiy, Husayn voiz Koshifiy, Abdulla Avloniy va boshqalar o‘qituvchilik kasbi, uning mashaqqatlari, shuningdek, o‘qituvchi shaxsida aks etishi zarur bo‘lgan sifatlar xususida qimmatli ma’lumotlarni o‘z asarlarida qizg‘in bayon qilishgan. Binobarin, pedagogik jarayonning mohiyatini anglamagan, bolaga nisbatan chuqur hurmatda bo‘lmagan o‘qituvchi ta’lim-tarbiya samaradorligi va inson kamolotini ta’minlovchi fikrga ham ega bo‘lolmaydi. Yuksak pedagogik mahoratga ega bo‘lgan o‘qituvchi bolani tushuna olishi, unga nisbatan insonparvar munosabatda bo‘lishi, har qanday pedagogik vaziyatni to‘g‘ri baholashi, yuzaga kelishi ehtimoli bo‘lgan ziddiyatlarni o‘z vaqtida bartaraf etishi, pedagogik faoliyatda hamisha ilg‘orligi, jamiyat taraqqiyoti hamda pedagogik jarayonda o‘quvchilar ongiga singdirilayotgan ezgu g‘oyalarni hayot bilan bog‘lay olishi lozim.
Yuqoridagilarga asoslangan holda ushbu mavzu bugungi uchun dolzarb deb o’ylaymiz., shu sababdan mavzuni o’z imkonlarimiz darajasida yoritamiz. Maktab amaliyotida o’qituvchi mahoratini oshirishga qo’yiladigan talablar va pedagogning kasbiy mahoratini oshirish yo’llari haqida yoritib berish bugungi kun uchun dolzarb hisoblanadi.