О‘zbekiston Respublikasida korporativ boshqaruvning institusional asoslari

10-mavzu. О‘zbekiston Respublikasida korporativ boshqaruvning institusional asoslari.

10.1.Aksiyadorlik jamiyatlarida korporativ boshqaruvning institusional asoslari.

10.2. Korporativ boshqaruvning mexanizmlari. Aksiyadorlar huquqining asosiy elementlari.
10.3. Korporativ huquq tushunchasi. Korporativ huquqning belgilari. Korporativ meyoriy xujjatlarga qо‘yiladigan talablar.
10.4 Korporativ boshqaruv kodeksi. Korporativ boshqaruvning global standartlari.
Tayanch iboralar: meyor, huquqiy meyor, qimmatli qog‘oz, investitsiyalar, soliq, biznes, rekvizit, emitent, kodeks.
10.1.Aksiyadorlik jamiyatlarida korporativ boshqaruvning institusional asoslari.

Korporativ boshqaruvning mexanizmlari davlat tartibga solish organlari, sud organlari va ishbilarmonlar doiralarida ishlab chiqilgan ma’lum bir qoida, meyor va andozalari asosi va doirasida ishlaydi. Ushbu qoida, meyor va andozalarning majmuasi korporativ boshqaruvning institusional asoslarini tashkil qiladi.

Asosiy bug‘inlari (aksiyadorlik huquqining tuzilmasi):
I. Maqomiy huquqning meyor va qoidalari – davlat tomonidan ishlab chiqarilib, aksiyadorlik jamiyatlar faoliyatini tartibga soladi (markazlashgan meyorlar). Ularga kompaniyalar haqida qonunlar, qimmatli qog‘ozlar haqidagi qonunchilik, aksiyadorlar huquqlarini va investitsiyalarni ximoya qilish qonunlari, iqtisodiy nochorlik, soliq qonunchiligi va boshqalar kiradi;
II. aksiyadorlik jamiyatlar tomonidan kuchga kiritiladigan va uning ichki hayotini tartiblashtiradigan meyorlar (aksiyadorlik korporativ meyorlar): korporativ boshqaruvning ixtiyoriy qabul qilingan andozalari haqidagi о‘zaro kelishuv va kompaniya darajasida ularni amalga oshirilish tartibini belgilaydigan ichki meyorlar (korporativ qimmatli qog‘ozlar listingiga talablar, kodekslar va korporativ boshqaruv bо‘yicha tavsiyalar);
III. Tashkiliy deb nomlanuvchi shartnomalarda, ya’ni boshqa tomonlar bilan ish aloqalarini о‘rnatish, davom ettirish, tо‘xtatish (bir sо‘z bilan aytganda tashkil qilishga) qaratilgan kelishuvlarda berilgan meyorlar;
IV. Umumjamiyat amaliyoti va biznes yuritish madaniyati