Ahamiyati. Qovoq mevasi eti tarkibidaoson hazm bo‘ladigan qand mavjud bo‘lib, u buyrak, jigar va yurak qon-tomir kasalliklarini davolashda ishlatiladi. Qovoqning eti yallig‘lanishga qarshi, urug‘ qaynatmasi gijjani haydab chiqaruvchi vosita sifatida ishlatiladi. Qovoq urug‘ining tarkibida ko‘p miqdorda ya’ni– 50% gacha moy saqlanadi, poya va mevasi yem-xashak sifatida chorva mollariga beriladi.
Ekish uchun tavsiya etiladigan navlar. Qovoqni Ispanskaya–73, Kashgarskaya–1644, Palov kadu–268, Kichkintoy navlari ekiladi.
Ekish uchun tavsiya etiladigan navlar. Qovoqni Ispanskaya–73, Kashgarskaya–1644, Palov kadu–268, Kichkintoy navlari ekiladi.
Urug‘ tanlash. Qovoq urug‘larini ekish uchun saralangan, yuqori unuvchan, kasallik yuqmagan, butun va to‘la bo‘lganlari ajratib olinadi. Urug‘lar boshqa o‘simliklar urug‘lari va aralashma-laridan tozalanadi.
Yerni tayyorlash. Qovoq ekiladigan maydon kuzda o‘sim-lik qoldiqlaridan tozalanadi va mineral hamda mahalliy o‘g‘it-lar yerga solinib, yer 35–40 sm chuqurlikkacha shudgor qilinadi. Bahorda tuproqda namni saqlab qolish uchun yerga uzun tish-li xaskash yordamida ishlov beriladi. Ekinni ekish uchun egatlar olinadi.
Ekish muddati va sxemasi. Qovoq urug‘ining unib chiqishi ekish muddatini to‘g‘ri belgilashga bog‘liqdir. Janubiy viloyatlarda 15-aprelgacha, markaziy mintaqada joylashgan viloyatlarda 20-aprelgacha, shimoliy mintaqalarda 30-aprelgacha ekiladi. Urug‘ni ekish uchun tuproq harorati 14–15 °C bo‘lishi zarur.
Qovoq qo‘sh qator lentasimon ekish usulida, ya’ni qatorlar ora-si 70-90 sm, pushtalar orasi 360 sm va o‘simliklar orasi 60-70 sm qilib ekiladi. Urug‘lar qo‘lda 3–6 sm chuqurlikka ekiladi va har 1 sotix yerga 60–70 gr urug‘ sarflanadi.
Qovoq qo‘sh qator lentasimon ekish usulida, ya’ni qatorlar ora-si 70-90 sm, pushtalar orasi 360 sm va o‘simliklar orasi 60-70 sm qilib ekiladi. Urug‘lar qo‘lda 3–6 sm chuqurlikka ekiladi va har 1 sotix yerga 60–70 gr urug‘ sarflanadi.
Parvarishlash.O‘simliklarni parvarishlash yaganalash,tuproqni yumshatish, ekinni oziqlantirish, chopiq qilish, sug‘o rish, palaklarni to‘g‘irlash, begona o‘tlar va zararkunandalarga qarshi kurashishni o‘z ichiga oladi. Yaganalash ikki bosqichda: birinchisi, o‘simlik chinbarg chiqarganda, ikkinchisi, gullashdan avval o‘tkaziladi. Nihollar to‘liq unib chiqqach 20–25 kun o‘tgach, 2–3 chinbarg paydo bo‘lganidan keyin ekin dastlabki suv berilib, oziqlantiriladi. Ikkinchi chopiq birinchisidan 25–30 kundan keyin o‘tkaziladi. O‘suv davrida qator oralari 4–5 marta chopiq qilinadi. Qovoqning o‘suv davri mobaynida 5-6 marta sug‘oriladi, 1 sotix maydonga 4–5 m3/ga me’yorda suv sarflanadi.
