Tələbə mühazirədən sonra «nizamnamə» sözünün “nizam” (ərəb) və “namə” (fars) sözlərinin birləşməsindən əmələ gəlib, hər hansı bir şeyin icrası, tətbiqi üçün düşünülmüş qayda, qanun, hökm kimi mənalar verdiyini öyrənəcək. Stenoqramın protokolun bir növü olduğunu biləcək, protokolun bütün vəzifələrini stenoqrafiyanın yerinə yetirdiyini mənimsəyəcək. Rəsmi kargüzarlıqda məlumatın iki xarakterdə olduğu barədə məlumatlar əldə edəcək. O, həmçinin vəkalətnamə, etibarnamə, zəmanət, vəsatət, qaimə, qəbz, tələbnamə, təliqə, annotasiya, rəy, məqalə, referat və mandat haqqında bildiklərin daha da zənginləşdirəcək. «Nizamnamə» sözü “nizam” (ərəb) və “namə” (fars) sözlərinin birləşməsindən əmələ gəlib, hər hansı bir şeyin icrası, tətbiqi üçün düşünülmüş qayda, qanun, hökm kimi mənalar verir. Məsələn: Nizamnamə üzrə hərəkət etmək – Hər hansı təşkilatın fəaliyyətini, quruluşunu müəyyən edən qanunlar toplusu; əsasnamələr. Bu növləri var: 1. Partiya nizamnaməsi. 2. Gənc Müəllimlər Birliyinin nizamnaməsi.
