Babəkin ələ keçirilərək edam olunması Bəzz qalasının süqutundan sonra Babək Arrana gəldi. Onun Arrana gəlməkdəməqsədi Bizans imperatorunun yanına gedərək yeni qüvvə toplayıb müharibəni davam etdirmək idi. Bəzz döyüşündən sonra Afşin Babəkin bağışlanması haqqında xəlifədən razılıq məktubu aldı. Lakin, Babək yenə də fikirindən dönmədi. Babək Bazarçayın sol sahilində Şəki qalasında keçmiş müttəfiqi Səhl ibn Sumbatla qarşılaşdı. Səhl ibn Sumbat Babəki aldadıb xəyanət yolu ilə onu ərəblərə təhvil verdi. Babəki Afşinin Bərzənddəki düşərgəsinə apardılar. Babək xilafət sarayına yola düşməzdən əvvəl Afşindən sonuncu dəfə Bəzz qalası ilə vidalaşmağı xaiş etdi. Afşin Babəkin bu xaişini yerinə yetirdi. Xəlifə Mötəsiminəmri ilə Babək 838-ci il martın 14-də Samirə şəhərində edam edildi. Xəlifə üsyançıları qorxutmaq üçün onun kəsilmiş başını Xorasana göndərdi. Bu qayda ilə ərəblər Babəkin qardaşı Abdullanı da Bağdad şəhərində edam etdilər.
Maarif VII-IX əsrlərdə xilafətdə və ona tabe olan ölkələrdə sosial-iqtisadi, siyasi sahələrdə baş verən dəyişikliklər öz əksini mədəniyyətdə də tapırdı. Ərəblərin işğalına qədər Azərbaycanda mədəniyyətin bir çox sahələri - yazı, məktəb,ədəbiyyat, memarlıq və şəhərsalma xeyli inkişaf etmişdi. İslamı qəbul etmiş xalqların bir-birinə qarşılıqlı faydalı təsiri nəticəsində mədəniyyətin bütün sahələrində onları yaxınlaşdıran ümumi əlamətlər meydana çıxdı. İslam mədəniyyətinin zənginləşməsində xilafətə tabe olan bütün xalqların payı var idi. Ümumi İslam mədəniyyəti zəminində xalqların milli mədəniyyəti zənginləşir və inkişaf edirdi.
