1 azərbaycan-tüRKİYƏ ƏlaqəLƏRİ son 20 İLDƏ: UĞurlar və İmkanlar

115
Azərbaycanla-Türkiyə arasında təhsil əlaqələri
görülməsi”, 24-cü maddəsinə Türkiyə tərəfinin yeni təlim texnologiyaları 
sahəsindəki  bilik  və  bacarıqlarını  Azərbaycan  tərəfi  ilə  bölüşməyi,  dərs 
vəsaitlərinin hazırlanmasında və müəllimlərin bu sahədə ixtisasartırmaları 
istiqamətlərində,  həmçinin  Azərbaycan  tərəfinin  Dünya  Bankı  və  başqa 
beynəlxalq  qurumlarla  həyata  keçirəcəyi  layihə  fəaliyyətlərinə  hər  cür 
texniki yardım göstərəcəyi”, 26-cı maddəsinə pedaqoji kadrların müxtəlif 
ixtisaslar  üzrə  ixtisasartırma,  yenidənhazırlanma,  rəhbər  kontingentin 
idarəetmə sahəsində elmi nəzəri, təcrübi biliklərinin artırılması, məsafədən 
(distant) təhsil, rəhbər və pedaqoji kadrların attestasiya mexanizmləri ilə 
bağlı” əməkdaşlıq məsələlərini tənzimləyən müddəalar əlavə edilib.
Tərəflər  iki  ölkə  arasında,  xüsusilə  1998-ci  ildən  bəri  təhsil  və  elm 
sahələrində  əməkdaşlığın  uğurlu  olduğunu  ifadə  etməklə  yanaşı,  bəzi 
sahələrdəki  çətinlikləri,  xüsusən  də  bir  sıra  ixtisaslar  üzrə  Azərbaycan 
ali  məktəb  diplomlarının  Türkiyə  tərəfindən  tanınmaması  məsələlərinə 
toxunublar.  Müzakirələr  nəticəsində  “Azərbaycan  Respublikası  Təhsil 
Nazirliyi  ilə  Türkiyə  Respublikası  Ali  Təhsil  Şurası  arasında  ali  təhsil 
sahəsində  əməkdaşlığa  dair”  İlkin  Protokol  imzalanıb.  Bu  Protokolda 
Azərbaycan  ali  məktəbləri  tərəfindən  verilən  iqtisadiyyat,  beynəlxalq 
əlaqələr,  memarlıq  və  inşaat,  elektrik-elektronika  və  maşın  mühəndisliyi 
ixtisaslarının ən yaxın zamanda tanınması üçün müvafiq işlərin aparılması 
nəzərdə tutulub. Tərəflər iki ölkənin ali məktəblərini tibb ixtisasları üzrə 
bitirən məzunların diplomlarının tanınması şərtlərinin müəyyən edilməsində 
razılığa  gəliblər.  Azərbaycanın  Türkiyə  vətəndaşları  üçün  müəyyən 
etdiyi  kontingent  çərçivəsində  Türkiyədə  keçirilmiş  qəbul  imtahanları 
nəticəsində Azərbaycan Tibb Universitetinə qəbul olunmuş tələbələr ilk 3 
ili bu ali məktəbdə təhsil aldıqdan sonra təhsillərini Türkiyənin aparıcı ali 
məktəblərində davam etdirmələri barədə razılıq əldə edilib. Protokolda bu 
da qeyd olunub ki, Türkiyədə “tibdə uzmanlıq” proqramı üzrə dövlət xətti 
ilə təhsil almağa göndərilən Azərbaycanın ali məktəb məzunları bir tədris ili 
“Türk dili üzrə hazırlıq mərkəzi”ndə oxuduqdan sonra Egey Universitetində 
təşkil  ediləcək  ixtisas  imtahanlarının  nəticəsinə  görə  Ali  Təhsil  Şurası 
tərəfindən müvafiq ali məktəblərə yerləşdiriləcəklər. Eyni zamanda, tərəflər 
istər dövlət, istərsə də qeyri-dövlət xətti ilə qarşılıqlıq olaraq ayrılmış təqaüd 
yerləri çərçivəsində diplomdansonrakı təhsilə (magistratura, doktorantura) 
qəbulun  artırılması  məqsədilə  müvafiq  tədbirlərin  görüləcəyi  haqqında 
razılığa gəliblər. 
2000-ci  ildən  başlayaraq  Bakının  6,  14,  41,  56  və  261  saylı 
məktəblərində türk dili tədris olunur. Dərslər Bakıda fəaliyyət göstərən Bakı 

---