60.Maishiy pudrat shartnomasi bo’yicha taklif etilayotgan ish to’g’risida buyurtmachiga axborot berish tartibi? 60. FK 658-modda.Maishiy pudrat shartnomasi tuzilguniga qadar pudratchi taklif qilinayotgan ish, uning turlari va xususiyatlari, bahosi, haq to`lash shakli to`g`risida buyurtmachiga zarur va ishonarli axborotni topshirishi, shuningdek buyurtmachining iltimosiga binoan shartnomaga va tegishli ishga doir ma’lumotlarni unga berishi shart. Agar ishning xususiyati bo`yicha ahamiyati bo`lsa, pudratchi uni bajaradigan aniq shaxsni ko`rsatishi kerak.Pudratchidan olingan axborotning to`liq yoki ishonchli bo`lmaganligi oqibatida buyurtmachi nazarda tutgan xususiyatlarga еga bo`lmagan ishni bajarish to`g`risida shartnoma tuzilgan bo`lsa, buyurtmachi bajarilgan ishga haq to`lamagan holda maishiy pudrat shartnomasini bekor qilishni va yetkazilgan zararni qoplashni talab qilishga haqli.
61.Maishiy pudrat shartnomasi bo’yicha bajarilgan ishda kamchiliklar borligini aniqlash oqibatlari? 61. Buyurtmachi ish natijasini qabul qilib olayotgan yoki pudrat narsasidan foydalanayotgan paytda kamchiliklarni aniqlasa, ushbu Kodeksning 650-moddasida nazarda tutilgan huquqlaridan birini ushbu Kodeks 652-moddasining birinchi qismida nazarda tutilgan umumiy muddat davomida, kafolat muddati bo`lganida еsa, shu muddat davomida amalga oshirishi mumkin.
Maishiy pudrat shartnomasi bo`yicha bajarilgan ishning buyurtmachining o`zi va boshqa shaxslar hayotiga yoki sog`lig`iga xavf tug`dirishi mumkin bo`lgan kamchiliklarini tekin bartaraf еtish to`g`risidagi talab, agar qonunda belgilangan tartibda uzoqroq muddat (xizmat muddati) nazarda tutilgan bo`lmasa, buyurtmachi yoki uning qonuniy vorisi tomonidan ish natijasi qabul qilib olingan paytdan boshlab o`n yil davomida qo`yilishi mumkin. Bunday talab ushbu kamchiliklar qachon aniqlanganligidan qat’i nazar, shu jumladan ular kafolat muddati tugagandan so`ng aniqlangan bo`lsa ham, qo`yilishi mumkin. Mazkur talab pudratchi tomonidan bajarilmasa, buyurtmachi yuqorida ko`rsatilgan muddat davomida yo ish uchun to`langan haqning tegishli qismini qaytarishni yoxud o`z kuchi bilan yoki uchinchi shaxslar yordamida kamchiliklarni bartaraf еtish bilan bog`liq xarajatlarini qoplashni talab qilishga haqli.
62.Qurilish pudrati shartnomasi tushunchasi, huquqiy belgilari va shartnomani tuzish tartibini yoriting?
