Elektr toki urishda inson organizmining va ishlab chiqarish sexlarining xususiyatlari haqida tushunchalar. Odam tanasining shaxsiy xususiyatlari. Elektr toki bilan jarohatlanishda kishi organizmining fizik va psixik holatlari muhim rol o’ynaydi. Ayniqsa yurak va oshqozon tuberkulyoz va asab kasalliklari bilan og’rigan kishilarga tokning ta’siri kuchlidir. Shuning uchun elektr toki bilan ishlaydigan ishlarga shu kasalliklari bor odamlar olinmaydi.
Xonaning xususiyati. Elektr toki urishi havfi mavjud barcha xonalar 3 guruhga bo’linadi.
Unchalik havfli bo’lmagan quruq, isitiladigan juda ham issiq bo’lmagan (t= 15-25 oS), tok o’tkazmaydigan changlar ajratib chiqaruvchi honalar.
Yuqori havfli nam, quruq, lekin isstilmaydigan va tok o’tkazuvchi changlarni ko’p miqdorda ajratib chiqaruvchi, odamlarni terlatadigan darajada issiq xonalar.
O’ta havfli- juda nam xonalar, ularda devorlar, ship, pol va unda joylashgan barcha narsalarning ustki qismi shabnam bilan qoplangan, havo bug’, o’tkir gaz va bug’lar bilan to’yingan va sh.o’. xonalar.
Elektr tokidan jarohatlanganda birinchi tibbiy yordam berish. Tok urganda dastlabki yordam. Agar biror bir kishini elektr toki ursa, bir sekund ham ketkazmay, zudlik bilan unit tok ta’siridan ajratib olish kerak. Uni quruq va tekkis yerga osmonga qaratib yotqizish kerak. Nafas olmayotgan va yuragi ishlamayatgan bo’lsa, unga sun’iy nafas berish va yuragini massaj qilish kerak. Zudlik bilan vrachga habar berish kerak.
Sun’iy nafas berish to vrach kelgunga qadar uzluksiz olib boriladi. Buning usullari ko’p, lekin eng samaralilari:
Og’zdan-og’izga
Og’izdan-burunga.
Bunda yuborilayotgan havo o’pkaga to’la yetib borishi uchun jabrlanuvchi kuragi tagiga qiyimlarini buklab yoki biror boshqa narsa to’shaladi. Bunda bosh biroz pasayib, dahan ko’tariladi va nafas yo’llari to’g’irlanadi.
Yurakni sun’iy massaj qilish uchun ko’krak qafasining pastki qismida, oxirgi qovurg’alarning uchrashgan nuqrasidan ikki enlik yuqoriroqqa o’ng qo’l panjasini va uning ustiga chap qo’l panjasini qo’yib 2-3 marta qattiq bosiladi, 2-3 marta nafas yuborib yana 2-3 marta qattiq bosiladi va h.k. shu yo’sinda to vrach kelguncha davom ettirilaveradi.
