1 Mavzu. “Innovatsion iqtisodiyot” faniga kirish

1.1.2-jadval Ikkinchi yondashuv bo‘yicha Innovatsiyalar ta’riflarining sharhi

Mualliflar	Innovatsiyalar ta’rifi
Jarayonli yondashuv
A.Xarman	Innovatsiyaya deganda yangi yoki ancha takomillashtirilgan ishlab chiqarish jarayonlarini joriy etish tushuniladi
R.Djonson	Ayrim korxonalar xo‘jaliklarida yangi yoki takomillashtirilgan eski jarayonlar va mahsulotlarning paydo bo‘lishi
B.Santo	Foya va kashfiyotlarni amaliy qo‘llash orqali o‘z xususiyatlari bo‘yicha yaxshiroq mahsulot va texnologiya yaratilishiga olib keladigan jamiyat – texnik – iqtisodiy jarayon
P.Lemerl	Xarajatlarni tejovchi yoki unga sharoit yaratuvchi har qanday yangi yoki takomillashtirilgan mahsulot, xizmat, texnologiya va h.k
T.Brayton	Kashfiyot yoki g‘oyaga iqtisodiy mazmun beruvchi jarayon
F.Nikson	Bozorda yangi va yaxshilangan sanoat jarayonlari va uskunalari paydo bo‘lishiga olib keladigan texnik, ishlab chiqarish va tijorat tadbirlari yig‘indisi
Natijaviy yondashuv
N.K.Moiseeva, Yu.P.Aniskin	Individual tomonidan yangilik sifatida qabul qilinadigan g‘oya, amaliyot yoki mahsulot
G.Ya.Kiperman	Jahon bozorida raqobatdosh bo‘ladigan mahsulot, zamonaviy texnologiyalarni ishlab chiqish, yaratish va tarqatishga yo‘naltirilgan ijodiy faoliyat natijasi
D.Sokolov A.Titov M.Shabanova	Muayyan jamiyat ehtiyojlarini qondiradigan va bir qator samara (iqtisodiy, ilmiy-texnik, ijtimoiy va h.k) beradigan, prinsipial yangi yoki takomillashtirilgan yaratish va o‘zlashtirishning yakuniy natijasi

Innovatsiyalar iqtisodiy samaradorligini ta’minlash zaruriyatini hisobga olgan holda, bir qator Rossiyalik iqtisodchilar (M.Ionov, A.Kulagin, V.Loginov), Innovatsiyani «xarajatlar tejalishini yoki bunday tejash uchun sharoit yaratilishini ta’minlovchi yangi mahsulot yoki xizmat, ishlab chiqarish uslubi, tashkiliy, moliyaviy, ilmiy-tadqiqot va boshqa sohalardagi yangilik» sifatida ko‘rishgan.
Iqtisodchi olim A.Utkin esa bozor sharoitida korxonalar muvaffaqiyatli iqtisodiy faoliyati uchun Innovatsiyalar muhimligini ta’kidlagan holda, Innovatsiyalarni korxona iqtisodiy o‘sishini ta’minlovchi asosiy zaxiralardan biri sifatida tavsiflagan .