1-mavzu. «Turizmni rejalashtirish» fanining

1.3. «Turizmni rejalashtirish» kursining maqsadi va vazifalari. 
«Turizmni rejalashtirish» kursining asosiy maqsadi amaliy va nazariy bilimlar 
asosida turizmni rejalashtirishning tashkil qilish qonuniyatlari, tamoyillari va 
mexanizmlarini o’zlashtirishdir. Ushbu fanni o’rganish quyidagi vazifalarni 
belgilab beradi: 
-
rejalashtirishning roli va o’rnini anglash, turizmni rivojlantirish bo’yicha 
nazariy ta’limotlar va mavjud dunyo tajribalari bilan tanishish; 

---

-
turizmning barcha turlari va shakllarini rejalashtirish va uning tamoyilli
yondashishlarni, davlatning bu sohadagi siyosat yo’nalishlarini tushunish; 
-
uzoq muddatli, strategik, barqaror va tezkor rejalashtirish usullarini 
o’zlashtirib olish, turizmni rivojlantirish va zamonaviylashtirish rejalari va 
dasturlarini shakllantirish, ularni har tomonlama asoslab berish va bajarilishini 
nazorat qilish uslubi bilan tanishish; 
-
turizmning milliy, mintaqaviy, mahalliy iqtisodiyotga qo’shgan hissasisini, 
shuningdek uning ijtimoiy-madaniy va ekologik ta’sirini iqtisodiy baholash va 
tahlil qilish ko’nikmalarini egallash. 
«Turizmni rejalashtirish» fanining predmeti bo’lib, O’zbekistonda turizmni 
rejalashtirishning instituttsional mexanizmlarini takomil-lashtirish hisoblanadi. 
Turizmni rejalashtirish masalalariga o’tishdan oldin, turistik biznesni belgilaydigan 
asosiy tushunchalarni ko’rib chiqish maqsadga muvofiq bo’ladi. Bunday 
tushunchalar jumlasiga «turizm», «turistik resurslar», «turistik mahsulot», «turistik 
xizmatlar» va h.k.lar kiradi. 
Ilmiy adabiyotlarda «turizm» tushunchasining shakllanishiga nisbatan turli xil 
yondashuvlar mavjud. 1993 yilda BMT ning Statistika qo’mitasi turizmning 
quyidagi ta’rifini qabul qildi: «
Turizm
– sayyohlik qilayotgan va dam olish, 
ishbilarmonlik va boshqa maqsadlarda o’zining odatdagi muhitidan tashqarida, 
ketma-ket bir yildan ortiq bo’lmagan davr mobaynida joylashgan shaxslarning 
faoliyatidir»
1
. 
Turistlarning sayohat va doimiy yashash joyidan tashqarida bo’lishlari vaqtida 
ularga mahsulotlar va xizmatlarni harid qilishda turli qulayliklarni ta’minlovchi 
barcha faoliyatlarning yig’indisi