2. Riyaziyyat təlimində şüurlu mənimsəmə, fəallıq və müstəqillik prinsipi.
Riyaziyyat təlimində şüurluluq, fəallıq və müstəqillik prinsipləri aparıcı prinsip olmaqla təlimin müvəffəqiyyətini təmin edir. Şüurlu mənimsəmə dedikdə, şagirdlərin biliklərə elə dərindən yiyələnməsi başa düşülür ki, onlar aldığı bilikləri yeni konkret situasiyalarda tətbiq etməyi bacarırlar.
Təlimdə şüurlu mənimsəməyə şagirdin tədris fəallığı sayəsində nail olmaq olar. Şagirdin tədris fəallığının 2 növünü fərqləndirirlər:
1) dar mənada fəallıq;
2) geniş mənada fəallıq.
Geniş mənada fəallıq şagirdlərin zehni fəaliyyətidir. Dar mənada fəallıq isə şagirdin riyazi fəalliyətidir.
Təlim prosesində şagirdlərin müstəqilliyi onların fəallığının və şüurluluğunun yüksək formasıdır. Ona görə də təlimdə şüurluluq və fəallığın təmin olunması şagirdin müstəqilliyinə nail olmaqdan ciddi asılıdır.
Dostları ilə paylaş: |
