3. Riyaziyyat təlimində sistematiklik və ardıcıllıq prinsipi.
Sistematiklik və ardıcıllıq bütün tədris prosesinə aid edilir. Biliyi sistemli şərh etmək-yeni materialı öyrənərkən əvvəlki biliklərə əsaslanmaq, oradakı əsas ideyanı tapmaq, şagirdlərdə öyrənilən hadisə və faktları təhlil etmək, sistemləşdirmək və ümumiləşdirmək bacarığını formalaşdırmaq deməkdir. Bu prinsip şagirdlərdə kitabla müstəqil işləmə bacarığı, biliklərin əldə edilməsində ardıcıllıq və mütəşəkkillik kimi keyfiyyətlərin formalaşmasında böyük əhəmiyyət kəsb edir.
Tədris materialının öyrənilməsində müəyyən ardıcıllığın gözlənilməsinə və məktəb riyaziyyatının əsas anlayışlarına tədricən yiyələnməyə riyaziyyat təlimində sistematiklik deyilir.
Riyaziyyat təlimində ardıcıllıq prinsipi sadədən mürəkkəbə; asandan çətinə; məlumdan məchula; təsəvvürlərdən anlayışlara; biliklərdən bacarıqlara, oradan da vərdişlərə istiqaməti üzrə təlim qaydalarına uyğun həyata keçirilməsi deməkdir.
Dostları ilə paylaş: |
