1. Təhsili idarəetmənin ümumi əsaslari

Təhsii sisteminin idarə olunması. Təhsilin idarə olunması Təhsil Qanununu,
müvafiq qanunvericilik aktları, əsasnamələr və təhsil müəssisələrinin
nizamnamələri ilə tənzim edilir.
Azərbaycan Respublikası hökuməti.Təhsil Nazirliyi, habelə yerli təhsil
orqanları təhsil sistemini idarə edən başlıca subyektlərdir.
Təhsilin strategiyasını Azərbaycan Respublikası Prezidentinin rəhbərliyi ilə
Nazirlər Kabineti müəyyənləşdirir və aşağıdakı məsələləri yerinə yetirir:
- Təhsil Qanunun və digər sənədlərin icrasına nəzarət edir;
- Təhsil sisteminin idarə olunmasının təşkilat strukturunu müəyyən edir;
- Təhsilin mərkəzi dövlət idarə strukturlarını yaradır və onlara rəhbərlik edir;
- Təhsil müəssisələrinin yaradılması, yenidən təşkili və ləğv edilməsi qaydalarını
müəyyən edir;
- Dövlət idarəçiliyində olan peşə-ixtisas təhsili müəssisələrini yaradır, yenidən
təşkil edir və ləğv edir;
- Peşə-ixtisas müəssisələri üçün ixtisasların siyahısmı təsdiq edir, sosial
sifarişdən asılı olaraq belə ixtisasları açır və bağlayır;
- Dövlət təhsil standartlarını təsdiq edir, təhsil barədə qəbul olunan sənədlərin

---

həmin standartlara müvafiq olmasına nəzarət edir;
- Təhsil müəssisələri, onların attestasiyası, akkreditasiyası və
lisenziyalaşdırılması barədə dünya standartlarına müvafiq olaraq yaradılan
Əsasnamələri təsdiq edir;
- Təhsilin inkişafına dair dövlət proqramı, həmçinin beynəlxalq proqramlar
hazırlayıb həyata keçirilir;
- Təhsilin maliyyələşdirilməsi üçün milli gəlirdən pay ayrılması. təhsillə bağlı
respublika büdcəsinin, təhsilin inkişaf fondlarının formalaşdırılması barədə
təkliflər verir, təhsilin maliyyələşdirilməsinin dövlət normativlərini,
təhsil sistemi işçilərinin əmək haqqının ödəniiməsi qaydasını, əmək haqqı
minimumu, güzəşt və imtiyazları, tələbələrin təqaüdlə təmin olunmasını, digər
kateqoriyalardan olan pedaqoji işçilərin, təhsil və tərbiyə alanların sosial
müdafiəsinin norma və qaydalarını müəyyən edir;
- Təhsilin inkişafını stimullaşdıran vergi siyasəti yeridir;
Yüksək ixtisaslı mütəxəssislərin attestasiyasına rəhbərlik edir;
- Təhsil sistemi işçiləri üçün fəxri adlar və mükafatların təsis olunması barədə
məsələ qaldırır.