1.Monolit betondan binolar barpo etishning qurilish-konstruktiv o’ziga xosligi. Binolarni beton va temirbeton monolit konstruksiyalardan barpo etish o’ziga xosligi bilan, binolarni g’ishtdan, yig’ma temirbetondan, yog’och, metall konstruksiyalardan barpo etishdan farq qiladi. Monolit betondan bino barpo etishda, ―ho’l jarayonlarni‖ mavjudligi, konstruksiyalarni mustaxkamligini egallashi uchun ma’lum vaqt zarurligi bilan farqlanadi va ishlab chiqarishni o’ziga xosligini belgilaydi. Betonlash zonalarini qamrovlarga, yaruslarga bo’lish, brigada va zvenolarni komplektlash (jamlash), kompleks beton ishlarini oqim usulida tashkil etishga e’tibor qaratilgan.
Beton ishlarida ishlatiladigan to’rtta asosiy guruhga bo’lingan: ko’chirib-qayta o’rnatiladigan, gorizontal va vertikal ko’chiriladigan va maxsus qoliplar (pnevmatik, ko’chirilmas, isitadigan) deb atalmish turli xil qoliplarning qo’llanilish o’ziga xosligi ko’rib chiqilgan.
2.Binoning yer osti qismini montaj qilish.
Stakan turdagi poydevorlar. Asos tayyorlangandan so’ng poydevorlar o’qlari belgilab olinadi, ular oldin obnoskaga olib chiqiladi keyinchalik poydevorlar o’rnatiladigan joyda belgilab chiqish uchun. Buning uchun obnoskaga o’q torlari
tortiladi va shoqul yordamida ularning kesishgan nuqtalari kotlovanlar va
transheyalarning tubiga ko’chiriladi. Barcha karkasli binolarda stakan turidagi poydevorlar yuqori kesimda manfiy belgi – 0,15 m ga ega, bu esa qulay payt kelganda pol ostiga betonli tayyorgarlikni bajarishga imkon beradi, demak nol siklining ishlarini to’liq hajmda tugatishga imkon beradi. O’rnatilish hududida joylashgan poydevorlar stakanlari tubining satxi tekshiriladi. Zarur bo’lganda erli yoki qumli asosda chuqurliklar qilinadi. Poydevorlar o’qlari kesishgan nuqtalardan ruletka yoki shablon (andoza) yordamida har bir stakanning yon qirralarining holati belgilab olinadi. Bu holatni erga qoqilgan uchta qoziqcha yoki metall shtirlar bilan maxkamlanadi.
