6. Uzluksiz ta’limning o‘quv-moddiy negizi va o‘quv-uslubiy ta’minoti
Personalning uzluksiz ta’limni samarali tashkil etish o‘quv-moddiy negizi va o‘quv-uslubiy ta’minotiga bog‘liqligi yaxshi ma’lum. Kompaniya va firmalar o‘quv markazlari bugungi kunda quyidagi o‘quv-moddiy negiziga ega bo‘lishi lozim:
o‘qitilayotgan mutaxassislarni hisobga olish tizimi;
o‘qitish bo‘yicha ishlanmalar axborot bazalari yuzasidan materiallar.
Uzluksiz ta’lim moddiy-texnika negizi asosiy o‘qitish vositasi hisoblangan 1VM RS rusumdagi kompьyuterlar ham, ular bilan birga ishlatilishi mumkin bo‘lgan boshqa rusumdagi kompьyuterlar ham bo‘lishini taqozo etadi. Ular displey sinflarini jihozlash uchun lokal tarmoqqa birlashtirilishi zarur. Kompьyuterlardan o‘quv materiallarini uzatish vositasi sifatida ham, zarurat tug‘ilganda o‘qituvchi bilan tinglovchi o‘rtasida muloqot o‘rnatish, shuningdek, bu muloqot natijalarini nazorat qilish va tegishli aniqliklar kiritish vositasi sifatida ham foydalansa bo‘ladi.
Radio, video va audio vositalari o‘quv materiallarini o‘zlashtirish darajasini oshiradi, o‘quv muddatlarini qisqartiradi va o‘quv jarayonini faollashtirish imkonini beradi.
O‘quv materiallari to‘g‘risida ravshan tasavvur hosil qilishga ko‘rgazmali o‘quv qurollarining eng ko‘p tarqalgan turlari — plakat, planshet chizma, jadval va diagrammalar yordam beradi.
Kompaniya va firmalarning o‘quv markazlari, shuningdek, zarur ko‘rgazmali qurollar, o‘qitishning texnik vositalari, ixtisoslashtirilgan mashq qildiruvchilar (trenajyorlar) bilan jihozlan-gan o‘quv sinflari, laboratoriyalari, xonalar, ish o‘rinlariga ega bo‘lishi lozim. SHuningdek, bu markazlarda o‘qituvchilar uchun xonalar, boshqa shaharlardan keladigan tinglovchilar uchun mehmon-xonalar bo‘lishi darkor.
O‘quv-moddiy negizi qatori o‘quv-uslubiy ta’minot, kadrlar o‘quvi va ularni qayta tayyorlash, malakasini oshirish tizimi faoliyat ko‘rsatishining asosi hisoblanadi. O‘quv-uslubiy ta’minotga quyidagilar kiradi: