11-tema. HÁZirgi dáwirde dúNYa MÁmleketlerindegi tálim sistemasí HÁm pedagogika pániniń rawajlaníWÍ jobasi

11-TEMA. HÁZIRGI DÁWIRDE DÚNYa MÁMLEKETLERINDEGI TÁLIM SISTEMASÍ HÁM PEDAGOGIKA PÁNINIŃ RAWAJLANÍWÍ


JOBASI:
11.1. Dúńyanıń ekonomikalıq jaqtan rawajlanǵan mámleketlerindegi tálim sistemaları hám modelleri.
11.2. XX ásir dúńya tálim sistemasındaǵı global tendenciyalar, pedagogika iliminiń rawajlanıw baǵdarları.
11.3. Xalıqaralıq joybarlar hám tálim baǵdarlamaları.
Temanıń maqseti: Studentlerdi házirgi dáwirde dúńya mámleketleri, sonıń ishinde ekonomikalıq tárepten rawajlanǵan mámleketleriniń tálim sistemaları hám pedagogika iliminiń rawajlanıw baǵdarları menen tanıstırıw.
Temanıń wazıypaları: Studentlerdi dúńyanıń ekonomikalıq jaqtan rawajlanǵan mámleketlerindegi, sonıń ishinde AQSh, Yaponiya, Germaniya, Franciya h.t.b. mámleketlerindegi bilimlendiriw sistemaları menen tanıstırıw, olarǵa XX ásir dúńya tálim sistemasındaǵı global tendenciyalar, xalıqaralıq joybarlar hám tálim baǵdarlamaları haqqında maǵlıwmat beriw.
Tayanısh sózler: Bilimlendiriw sistemaları, xalıqaralıq joybarlar, tálim sistemasındaǵı global tendenciyalar, tálim baǵdarlamaları, tálim sıpatı, innovaciyalıq baǵdarlar, pedagogika iliminiń jańa baǵdarları, pedagogikalıq texnologiyalar, kreativlik pedagogika, teatr pedagogikası, muzey pedagogikası, shıpakerlik pedagogikası.
Temanıń mazmunı:
11.1. Dúńyanıń ekonomikalıq jaqtan rawajlanǵan mámleketlerindegi tálim sistemaları hám modelleri.

Ǵárezsizligimizdiń sharapatı menen jáhánge juz burǵan Ózbekistan Respublikası ushın búgin duńyadaǵı rawajlanǵan sırt el mámlketleriniń bilimlendiriw tarawındaǵı tájiriybelerin uyreniw hám bizge maqul kelgen táreplerinen paydalanıw imkaniyatları júdá keń bolıp, bul baǵdardaǵı mámleketimizde alıp barılıp atırǵan jumıslar dıqqatqa ılıyıq.

Tómende rawajlanǵan sırt el mámlketleri bilimilendiriw sisteması rawajlanıwınıń tiykarǵı baǵdarları hám ózine tán ózgeshelikleri, olardıń is tájiriybeleri haqqında sóz etemiz.