11-tema. HÁZirgi dáwirde dúNYa MÁmleketlerindegi tálim sistemasí HÁm pedagogika pániniń rawajlaníWÍ jobasi

Sırt ellerdiń bilimlendiriw sistemalarındaǵı ayırım jańa atamalar.
Sırt ellerdiń bilimlendiriw sistemalarında sońǵı waqıtları bir qatar jańa atamalar qollanılıp kelinbekte. Olarǵa t’yutor, edvayzer, fasilitator hám moderator túsiniklerin kiritiw múmkin.
T’yutor – (Tutorem-latınsha) ustaz, jetekshi wazıypasın atqaradı. Geypara waqıtları lekciya oqıtıwshısı menen tıńlawshı arasındaǵı baylanıstırıwshı rolin atqaradı. Bunda lekciya oqıtıwshısı tárepinen berilgen bilimlerdi keńnen iyelewde máslahátshi hám ustaz rolin orınlaydı.
Edvayzer – (advisor) – francuzsha «avisen» «oylamaq») tıńlawshılardıń individual túrde pitkeriw qániygelik jumısın, kurs proektlerin orınlawda máslahátshi rolin orınlaydı.
Fasilitator – (anglichan tilinde facilitator, latınsha facilis - jeńil, qolay) – toparlardaǵı is-háreketlerdiń nátiyjesin bahalaw, máseleniń ilimiy sheshimin tabıwǵa baǵdarlaw, topardaǵı kommunikaciyanı rawajlandırıw siyaqlı wazıypalardı orınlaydı.
Moderator – qabıl etilgen qaǵıydalardıń orınlanıwın tekseredi, tıńlawshılardıń óz betinshe pikirlewi hám jumıs qábiletlerin rawajlandırıw, biliw iskerligin aktivlestiriwge járdemlesedi. Maǵlıwmattı, seminardı, treningler hám dóńgelek stol átirapındaǵı sáwbetlesiwlerdi basqaradı, bildirilgen pikirlerdi ulıwmalastıradı.
Biziń tálim sistemamızda bul xızmetlerdiń hámmesin házirshe oqıtıwshı orınlaydı hám ol pedagog, múǵállim yaki oqıtıwshı dep ataladı.


Ózin-ózi tekseriw hám bahalaw ushın sorawlar, máseleler, tapsırmalar.
AQSh bilimlendiriw sisteması haqqında nelerdi bilesiz?
Germaniya bilimlendiriw sisteması haqqında aytıp beriń?
Franciya bilimlendiriw sisteması haqqında nelerdi bilesiz?
Yaponiya bilimlendiriw sisteması haqqında túsinigińiz?
Túslik Koreya bilimlendiriw sisteması haqqında aytıp beriń?
Integrativ tálim degenimiz ne?
Differencial tálim haqqındaǵı túsinigińiz?
Aralıqtan oqıtıw haqqında nelerdi bilesiz?
Házirgi dáwirde pedagogika iliminiń tiykarǵı baǵdarların atap kórsetiń?
Házirgi dáwirde pedagogika iliminiń tiykarǵı wazıypaları nelerden ibarat?
Pedagogikanıń zamanagóy tarmaqların atap kórsetiń?
Qanday zamanagóy pedagogikalıq koncepciya túrlerin bilesiz?
Pedagogikalıq koncepciyalardıń tiykarǵı principlerin atap kórsetiń?
XXI ásir dúńya bilimlendiriw sistemasındaǵı global tendenciyalar haqqında aytıp beriń?
Xalıqaralıq tálim joybarları hám baǵdarlamalar haqqında nelerdi bilesiz?
TEMPUS xalıqaralıq tálim joybarı haqqında aytıp beriń?
ERAZMUS xalıqaralıq tálim joybarı haqqındaǵı túsinigińiz?
ECTS kredit sisteması haqqında túsinigińizdi aytıp beriń?
Bolońya deklaraciyası haqqında nelerdi bilesiz?
Sońǵı waqıtları bilimlendiriw sistemasına endirilip atırǵan T’yutor, Edvayzer, Fasilitator, Moderator atamaları nelerdi ańlatadı?