Tovarning o'z narxi ta'sirida taklif egri chizig'i surilmasdan, chiziq bo'ylab bir nuqtadan ikkinchi nuqtaga ko'chish yuz beradi. Buni taklif miqdorini o'zgarishi deb ataymiz. Taklifga tovarning o'z narxidan tashqari boshqa omillar (resurslar narxlari, texnologiyalar, soliqlar, dotatsiyalar va subsidiyalar, boshqa tovarlarning narxlari, sotuvchilar soni, kelgusidagi ozgarishlarni kutishlar) ham ta'sir ko rsatadi. Ular ta'sirida taklif egri chizig'ining o'ngga yoki chapga surilishiga taklif o'zgarishi deyiladi. Talab va taklifni funksiya orqali ham ifodalash mumkin. Agar talab va taklifga bitta ozgaruvchi omil (masalan tovarning narxi) ta'sir korsatsa ular o'rtasidagi bog'liqlikni bir omilli funksiyasi orqali ifodalash mumkin. Ko'p omilli (o'zgaruvchili) talab va taklif funksiyalari ular miqdorini ta'sir qiluvchi bir necha omillar bo'yicha aniqlaydi. Nazorat va muhokama uchun savollar Talab iqtisodiy kategoriya sifatida nimani anglatadi?
Ne'matning narxi va talab o'rtasida qanday bog'liqlik mavjud?
Talab qonuni nima va uning asosida nimalar yotadi?
Talab chizig'i qanday hosil qilinadi va nimani ifodalaydi?
Talabga qanday omillar ta'sir korsatadi?
Talab miqdorining va talabning o'zgarishi o'rtasida qanday farq mavjud?
Talabning bir va ko'p omilli hamda chiziqli funksiyalari nimani ifoda etadi?
Taklif iqtisodiy kategoriya sifatida nimani anglatadi?
Ne'matning narxi va taklif o'rtasida qanday bog'liqlik mavjud?
Taklif qonuni nima va uning asosida nimalar yotadi?
Taklif chizig'i qanday hosil qilinadi va nimani ifodalaydi?
Taklifga qanday omillar ta'sir korsatadi?
Taklif miqdorining va taklifning o'zgarishi o'rtasida qanday farq mavjud?
Taklifning bir va ko'p omilli hamda chiziqli funksiyalari nimani ifoda etadi?
