Matematika mazmuniga oid umumiy kompetensiya: A1 o‘rganilgan matematik tushunchalarni qabul qila oladi, tegishli misollar keltira oladi;
juft va toq sonlarni; sodda hollarda sonning bo‘luvchilarini va karralilarini aniqlay oladi;
santimetr-millimetr munosabatidan foydalanib, kattaliklarni o‘qiy oladi va yoza oladi;
miqdorlar (uzunlik, yo‘l) orasidagi bog‘lanishlarni qo‘llab, kundalik hayot bilan bog‘liq bo‘lgan masalalarni arifmetik usulda yecha oladi;
A1+ bo‘yashlar, qoplash, qirqishlar, o‘qqa nisbatan simmetriyaga doir sodda geometrik masalalarni yecha oladi;
juft-toqlikka oid qiziqarli, nostandart va matnli masalarni yecha oladi.
Kognitiv kompetensiya(shaxsning mustaqil ijodiy fikrlash kompetensiyasi):
A1 arifmetik amallarni bajarish va kattaliklar bilan ishlashda o‘qituvchi hamkorligida ijodiy fikrini ifodalay oladi;
boshqalar fikrini tinglab, tushuna oladi, matematik faktlar va sodda mantiqiy qonunlar asosida xulosa keltirib chiqara oladi;
kundalik holatlarda o‘rganilgan matematik tushunchalar va algoritmlarni qo‘llay oladi;
olingan bilimlar asosida matematik ma’lumotlardan xulosa keltirib chiqara oladi.
A1+ o‘rganilgan matematik tushunchalar, faktlar va algoritmlarni murakkabroq vaziyatlarda qo‘llay oladi.
4-bo‘lim. JADVAL ICHIDA KO‘PAYTIRISH VA BO‘LISH (25 soat, A1+: 30soat)
77-79-mavzular. 2 sonini bir xonali songa ko‘paytirish. 2 ga bo‘lish va bo‘linmada 2 chiqadigan songa bo‘lish. Ko‘paytirish va bo‘lishga oid sodda masalalarni yechish (3 soat). 80-86-mavzular. 3 (4, 5, 6, 7, 8, 9) sonini bir xonali songa ko‘paytirish (7 soat). 87-88-mavzular. Tarkibli masalalar (2 soat). 89-92-mavzular. 3, 4, 5, 6 sonlariga bo‘lish (4 soat). 93-95-mavzular. 7, 8, 9 sonlariga bo‘lish (3 soat). 96-97-mavzular. 100 ishtirokida ko‘paytirish va bo‘lish (2 soat).
