014 "Foydalanishdagi inventar va xo‘jalik jihozlari" schoti
014 "Foydalanishdagi inventar va xo‘jalik jihozlari" schoti foydalanishdagi inventar va xo‘jalik jihozlarining mavjudligi va harakati to‘g‘risidagi axborotni umumlashtirish uchun mo‘ljallangan.
Inventar va xo‘jalik jihozlarini foydalanishga berish vaqtida ularning qiymati to‘liq ishlab chiqarish xarajatlari yoki davr xarajatlariga olib boriladi va bir vaqtning o‘zida 014 "Foydalanishdagi inventar va xo‘jalik jihozlari" schotida aks ettiriladi.
Inventar va xo‘jalik jihozlari keyinchalik foydalanish (ishlatish)ga yaroqsiz bo‘lgan holda ularning ushbu schotdan hisobdan chiqarilishi tegishli tartibda rasmiylashtirilgan hisobdan chiqarish dalolatnomasi asosida amalga oshiriladi.
Foydalanishdagi inventar va xo‘jalik jihozlarining saqlanishini ta’minlash maqsadida 014 "Foydalanishdagi inventar va xo‘jalik jihozlari" schoti bo‘yicha tahliliy hisob yakka tartibda foydalanuvchilar va sexlar omborlari bo‘yicha yuritiladi.