DARSNING BORISHI:
I. Tashkiliy qism. (2daqiqa).
O’qituvchining o’quvchilar bilan salomlashishi, o’quv xonasining tozaligini, o’quvchilarning darsga tayyorgarligini (o’quv qurollari, tashqi ko’rinishi) ko’zdan kechirish, davomatni tekshirish.
II.O’tilgan mavzularni so’rash. (8 daqiqa) O’tilgan darslar yuzasidan o’quvchilar bilimini savol-javob asosida aniqlash, uy vazifasini so’rash. Mavzu yuzasidan savol va topshiriqlarni bajarish (84-bet) yangi so’zlarni yodlash.
III.Yangi mavzu bayoni (15 daqiqa).
1.Nutqiy mavzu: “Ertaklar olamida” matni “Zanjir” usuli orqali o’quvchilar yangi mavzu bilan tanishadilar va quyidagi savollarga javob beradilar: 1.Siz qaysi ertaklarni o’qigansiz? 2.Sizga qaysi ertak yoqadi? 3.Qaysi ertak qahramoniga o’xshashni xohlaysiz? Nima uchun? 4.Nima uchun “Ertaklar yaxshilikka yetaklar” deymiz?
2.Grammatik mavzu: O’tgan zamon hikoya fe’li nutq paytidan ancha ilgari bajarilgan harakatni hikoya qilish orqali ifodalaydi. O’tgan zamon hikoya fe’li fe’l o’zagiga –(i) b qo’shimchasini qo’shish va shaxs-sonda moslash orqali yasaladi. Masalan: o’qi+b+di, bor+ib+siz, ayt+ib+man kabilar. Birlik: kelibman, kelibsan, kelibdi. Ko’plik: kelibmiz, kelibsiz, kelibdilar.
Dostları ilə paylaş: |
