38.
Nitqin münasibliyi.
Münasiblik – məntiqin qanunları ilə uzlaşan nitq keyfiyyətidir;
işgüzar kommunikasiyanın vacib xüsusiyyətlərindən biridir, belə ki,
bütün bu prosesi ünsiyyətin münasibliyi və qeyri-münasibliyi
dəyərləndirir: istənilən səviyyələrə cavab verən nitq münasib adlanır.
Münasiblik kommunikativ keyfiyyət olaraq daha çox adresatın
səmimiliyinin olub-olmamağını ehtiva edir – nitqə etik keçiddir.
Münasiblik ünsiyyət vəziyyətinin bütün göstəriciləri ilə daha sıx
bağlıdır: o həm iştirakçılardan, həm onların məqsədlərindən, həm
nitq mövzusundan, həm də ünsiyyətin daxili və xarici şərtlərindən
asılıdır. İlk növbədə konkret işgüzar ünsiyyət şəraitində hər bir
iştirakçının etik və ya qeyri-etik davranışları, əldə edilən və ya
edilməyən motiv və məqsədlər qiymətləndirilir.
Nitqdə münasiblik yaratmaq üçün tabu və evfemizmlərdən də
istifadə olunur. Tabu ədəbsiz sayıldığına görə işlənməsi münasib
olmayan, kobud, yasaq, ictimai qınaq məzmunlu, əksəriyyəti qadağan
olunmuş söz və ifadələrdir.
Məzmun münasibliyi situativ halda üslubi münasiblik kimi
tamamlanır – müəllifin və konkret mətnin üslubu nitq vasitələri ilə
uyğunlaşdırılır. Üslubi münasiblik mətnin fonetik-intonasiya, leksik,
morfoloji, sintaktik və s. normalarla, eləcə də konkret nitq
vasitələrindən istifadə ilə cümlə səviyyəsində qiymətləndirilir.
39.
Nitqin zənginliyi.
Nitqin zənginliyi üçün başlıca meyar danışnın (yazanın) geniş söz
ehtiyatına malik olmasıdır. Nitq mədəniyyəti dil və nitq vasitələrinin
seçimində bir neçə variantı nəzərdə tutur, zənginlik bu seçimin
həyata keçməsinə imkan yaradır. Zənginlik istənilən ünsiyyət (işgüzar
və ya akademik) zamanı müxtəlif dil və nitq vasitələrinin bolluğunu,
müxtəlifliyini əks etdirir.
Zənginliyin iki əsas növü var: dil və nitq zənginliyi. Dilin zənginliyi
bütün səviyyələrdə vahidlərinin müxtəlifliyi, xəzinəsi ilə nitqin
qurulmasıdır. Bu zənginliyin atributları lüğətlərdə (frazeologizm,
sinonim, antonim, paronim, alınma sözlər, bu və ya digər bilik
sahəsinə aid terminlər) toplanıb.
Dil zənginliyi nitq zənginliyi üçün əsas bazadır. Hər bir dil
daşıyıcısının nitq zənginliyi onun dilə fəal sahib olma prosesində
qazandığı idrak – təfəkkürün məhsuludur, hamımız sözləri eyni bir
dildə danışdığımız xəzinədən götürürük. Nitqin zənginliyi dil
vasitələrinin şüurlu və aktiv mənimsənilməsi – danışığımızı rəngarəng
etmək, təkmilləşdirmək, onun gözəlliyini dərk etmək, dil
vasitələrindən istifadə etməklə əldə edilir. Dil və nitq zənginlikləri bir-
biri ilə sıx bağlıdır – dil nitqi qidalandırır. Nitqin zənginliyi yalnız
müxtəlif dil vasitələri ilə ölçülmür, həmçinin janr, üslubi tərtibat və s.
İlə müəyyən edilir.
|