34.
Fonetik və orfoepik norma.
Fonetik norma. Səs dilin maddi qabığıdır, dil ictimai hadisə kimi
səslərdə təzahür edir. Səslərin tələffüzü, müxtəlif kombinasinası,
insanlar arasında ünsiyyət vasitəsi kimi xüsusiyyətləri, eləcə də vurğu,
heca, intonasiya, danışıq dilində hadisələr (səs dəyişməsi,
əvəzlənməsi, assimilyasiya, dissimilyasiya və s.) fonetik norma ilə
tənzimlənir. Fonetik normaya şifahi ədəbi dilin yazılı dil normalarını
formalaşdırması, yaxud yazılı dilin (orfoqrafiya) və onun təsiri ilə
ümumiləşmiş ədəbi dilin danışıq qaydaları (orfoepiya) daxildir.
Orfoepik norma. Səslər tələffüzün əsas vasitəsidir, tələffüz qayda-
qanunlarının sistemli məcmusu orfoepik normadır. Orfoepiya şifahi
ədəbi dilin müxtəlif fonetik şəraitində, mövqedə bu və ya digər səsin
müəyyən söz və söz birləşməsində, qruplarda, qrammatik formalarda,
digər səslərlə birləşmələrdə tələffüz qaydasıdır. Orfoepiya düzgün
tələffüzü, qaydalar sistemini, nitq axınında səsləri, onların
uyğunluğunu, dəyişikliyini öyrənən və təsbit edən fonetikanın bir
bölməsidir.
Nitq mədəniyyətinin vacib amili – dilin tələffüz normasıdır. Dil
sisteminin, onun nitq fəaliyyətinin bu norması həm davamlı, dinamik
təzahür forması, həm də nitq təcrübəsinin və tələffüzün dildəki
ənənələrinin (uzusların) nəticəsidir.
Orfoepiya – milli dildə səs tərtibatının vahidliyini təmin edən
normaların məcmusudur, dilin konkret seqmentlərini: səsləri və
onların birləşmələrini əhatə edir.
Orfoepiya iki mənada işlənir: ədəbi dildə tələffüzün vahid
standartları və tələffüz normalarının əsaslandırılması – fonetik hadisə
və qanunlar.
35.
Orfoqrafik norma.
Orfoqrafiya (yunan sözü olub, “düzgün yazıram” deməkdir) yazılı
nitq normasıdır, fonetika ilə sıx bağlıdır. Orfoqrafiya yazılı nitqdə dil
vahidlərinin yazılışını tənzimedici qaydalar sistemi də adlandırılır.
Müstəqillik illərində “Azərbaycan dilinin orfoqrafiya qaydaları”
“Azərbaycan Respublikasında dövlət dili haqqında” Azərbaycan
Respublikasının qanununun tətbiq edilməsi barədə”, Azərbaycan
Respublikası Prezidentinin 2 yanvar 2003-cü il tarixli Fərmanında
dəyişiklik edilməsi haqqında” “Azərbaycan Respublikası Prezidentinin
26 may 2004-cü il tarixli Fərmanına uyğun olaraq, Azərbaycan
Respublikasının Dövlət Dil Komissiyası ilə razılaşdırıldıqdan sonra
Nazirlər Kabinetinin 5 avqust 2004-cü il tarixli qərarı ilə təsdiq
edilmişdir. 12 yanvar 2004-cü il sərəncamına əsasən “Azərbaycan
dilinin orfoqrafiya lüğəti” 2004-cü, eləcə də 2013-cü illərdə nəşr
olunmuşdur. Yeni orfoqrafiya normaları Azərbaycan Respublikası
Nazirlər Kabinetinin 2019-cu il 16 aprel tarixli 174 saylı Qərarı ilə
təsdiqlənmiş və 3 noyabr 2020-ci il tarixli 438 nömrəli qərarı ilə
müəyyən dəyişiklik edilmişdir.
Qeyd: “AZƏRBAYCAN DİLİNİN ORFOQRAFİYA NORMASI” hissəsinin
həcmi böyük olduğundan buraya yerləşdirmək mümkün olmadı.
Əlavə mənbəyə müraciət edə bilərsiniz.
|