omborga olib borish uchun avtomobil transportidan foydalaniladi.
10.1- Rasm. Omborlarni joylashishi bo‘yicha turkumlanishi Saqlanayotgan yukning assortimentiga qarab, maxsus omborlar, aralash va universal omborlar bo‘lishi mumkin. Ushbu belgi bo‘yicha omborlarni ikkita asosiy guruhga bo‘lish mumkin: Ishlab chiqarish - texnik maqsadlarga mo‘ljallangan mahsulotlar harakati uchastkasidagi omborlar;
Xalq iste'moli mollari harakati uchastkasidagi omborlar. 1 guruhga kiruvchi omborlar quyidagilar: - ishlab chiqaruvchi korxonalarning tayyor mahsulot omborlari; - ishlab chiqarish-texnik maqsadlarga mo‘ljallangan mahsulotlarni iste'mol qiluvchi korxonalarning xom-ashyo va birlamchi materiallar omborlari; - ishlab chiqarish-texnik maqsadlarga mo‘ljallangan mahsulotlarni muomala sohasidagi omborlar.
2 guruhga kiruvchi omborlar quyidagilar: - xalq iste'moli mollari bilan ulgurji savdo qiluvchi korxonalar omborlari: a) ushbu mahsulotlarni ishlab chiqarish joyida joylashgan; b) ushbu mahsulotlarni iste'mol joyida joylashgan. Moddiy oqimni turli korxonalar omborlaridan o‘tishining prinsipial chizmasi 10.2 rasmda keltirilgan.
10.2- rasm. Moddiy oqimning, xom-ashyo manbasidan to so‘nggi iste'molchigacha bo‘lgan, yo‘lidagi omborlarni prinsipial chizmasi (sxemasi) Omborlarning funksiyalari Turli omborlarda bajariladigan ish hajmi taxminan bir xil. Chunki omborlar turli logistik jarayonlarda quyidagi o‘xshash funksiyalarni bajaradilar: - moddiy zaxiralarni vaqtinchalik joylashishi va saqlanishi; - moddiy oqimlarni qayta shakllanishi; - xizmat ko‘rsatish tizimida logistik servisni ta'minlash.
