Mineral mübadiləsinin patologiyası. Su ilə birlikdə orqanizmə mineral maddələr də daxil olur. Qidanın 4% mineral birləşmələr təşkil edir. Elektrolitlərin fermentativ reaksiyalarda vacib əhəmiyyəti var.
Natrium əsasən xörək duzun tərkibində qidayla orqanizmə daxil olur. NaCl-un sutkalıq tələbatı 5 qramdır. Na hüceyrəarası mayedə osmotik təzyiqi təmin edir. O, sümük toxumasında depo halında toplanır. Orqanizmin susuzlaşmasına səbəb olan bütün proseslərdə (şiddətli qusma, tərləmə, ishal) Na balansı mənfi olur. Hipohatriemiya nəticəsində arterial təzyiq aşağı düşür, ürək fəaliyyəti sürətlənir (taxikardiya). Çoxlu miqdarda Nai tirdikdə Kalium uonları da hüceyrəapası mayeyə keçirlər, bunun nəticəsində ürəyin, əzələnin fəaliyyəti pozulur: əzələ adinamiyası, iştaha pozğunluğu.
Kalium hüceyrədaxili osmotik təzyiqi təmin edir. Hipokaliemiya—K orqanizmə az daxil olması, qlükokortioidlərlə, sidikqovucu preparatlarla uzun müddət müalicə zamanı baş verir. Belə hallarda sinir-əzələ oyanıqlığı pozulur, əzələ zəifliyi, mədənin və bağırsağların hərəki funksiyasının pozulması, damar tonusunun zəifləməsi müşahidə olunur. Hiperkaliemiya – K-la zəngin olan qida məhsullarının həddindən artiq qəbulu və ya tərkibinə K daxil olan dərman preparatlarının dozasının əsassız olaraq artırılması nəticəsində, həmçini K orqanizmdən xaric edilməsi pozulduqda əmələ gəlir. Hiperkaliemiya nəticəsində sinir-əzələ oyanıqlığı yüksəlir, xəstələrdə taxikardiya, aritmiya, hətta kollaps baş verir.
