І. Fanning mazmuni. Fanni oʻqitishdan maqsad – davlatning strategik qudratiga taʼsir etuvchi, uning ichki va tashqi siyosatdagi ustuvor manfaatlarini taʼmin etadigan geografik, tarixiy, siyosiy, iqtisodiy, diniy va boshqa oʻzaro bogʻliq boʻlgan ichki va tashqi omillarni tahlil qilish. Taʼlim jarayonida dunyoning mafkuraviy manzarasi, unda kechayotgan jarayonlar, turli mazmundagi toʻqnashuvlar, ularning ortidagi kuchlarning asl maqsadlari keng yoritiladi. Shuningdek bunday taʼsirlarga qarshi gʻoyaviy salohiyatni tarbiyalashdagi vazifalar tahlil etiladi.
Fanning asosiy vazifalari - geosiyosat asoslarining mazmun-mohiyati, uslublari, vazifalarini tahlil etish;
- geosiyosiy jarayonlarning mohiyati, tarkibi, umumiy qonuniyatlarini ochib berish;
- geografik makon ustidan nazorat oʻrnatishning asosiy tiplarini, uni amalga oshrish resurslarini belgilab olish;
- geosiyosiy jarayonlar va geosiyosiy bilimlarning rivojlanib borish davrlarini taxlil etish;
- jahonning bugungi geosiyosiy manzarasini qarab chiqishda turli mintaqa mamlakatlarining geosiyosiy xususiyatlarini taxlil qilish;
- mafkuraviy jarayonlarning globallashuvi jarayonida Oʻzbekistonning geosiyosiy manfaatlarini belgilab olish va shu kabilar.
