Aralash Fungsiyali Birikmalar

3.3. Cu(Xz)^.(TPP)^.H₂O tarkibli aralash ligandli kompleks
birikmasi sintezi

Cu(Xz)^.(TPP)^.H₂O tarkibli aralash ligandli kompleks birikmasini sintezlash ham yuqorida bayon etilgan usul kabi amalga oshiriladi. Buning uchun 0,242 gr (1mmol) Cu(NO₃)₂^.3H₂O tuzini metanoldagi eritmasida 0,183 gramm (1mmol) KXz ni 5 ml metanoldagi eritmasini tomchilatib aralashtirgan holda qo‘shganimizda to‘q yashil cho‘kma ya’ni CuNO₃^.Xz^.2CH₃OH kompleks birikmasi hosil bo‘ladi. CuNO₃^.Xz^.2CH₃OH kompleks birikmasining ustiga 0,244 gramm (1mmol) KTPP 5ml metanoldagi eritmasini oz-ozdan qo‘shganimizda dastlabki to‘q yashil cho‘kma erib ketadi va asta-sekin kul rang cho‘kma, ya’ni Cu(Xz)(TPP)^.H₂O kompleks birikmasi hosil bo‘ladi. Cho‘kma filtrlanib, suvli spirt bilan bir necha marta yuviladi va quritiladi. Reaksiya unumi-69%. T⁰suyuq.=224⁰C.

3.4. Xinazolon-4 va uning 2-asetilaminohosilasini Cu(II) tuzlari bilan aralash ligandli kompleks birikmalari sintezi


Cu(Xz)^.(AAXz)^.H₂O - kompleks birikmasini sintez qilish uchun 0,334 gr (1 mmol) CuNO₃^.Xz^.2CH₃OH kompleks birikmasini 10 ml spirtdagi suspenziyasiga 0,277 gr (1 mmol) 2-asetilaminoxinazolon-4 ning kaliyli tuzi (KAAXz) ni 5 ml spirtdagi eritmasini tomchilatib qo’shganimizda havo rangli kompleks birikma hosil bo;lishi kuzatildi. Hosil bo’lgan kompleks birikmani fil’trlab, suv va etanol aralashmasi bilan yuvdik. Fil’trda qolgan kompleks birikmani xona haroratida quritdik. Reaksiya unumi – 86%. Suyuqlanish temperaturasini tekshirganimizda 272⁰C da parchalanishi aniqlandi.