Ayrı-seçkilik әleyhinә Avropa hüququ üzrә mәlumat kitabı
Digər status (Məlumat kitabçasının 133-cü səhifəsi)
Yüklə 1,45 Mb.
|
|
4.12. Digər status (Məlumat kitabçasının 133-cü səhifəsi)
AİHM, Kiyutin Rusiyaya qarşı (No. 2700/10), 10 Mart 2011 (ECtHR, Kiyutin v. Russia (No. 2700/10), 10 March 2011) Ərizəçi, özbək vətəndaşı, 2003-cü ildə Rusiyaya gəlmiş və qızının anası olan Rusiya vətəndaşı ilə evlənmişdi. Onun Rusiyada yaşamaq icazəsi almaq üçün müraciəti İÇV-pozitiv çıxması səbəbi ilə rədd edildi. AİHM daha əvvəl qəbul etmişdi ki, fiziki əlillik və sağlamlıqda olan müxtəlif 199
Yeni məhkəmə işləri (iyul 2010-dekabr 2011) çatışmazlıqlar 14-cü Maddənin əhatə dairəsinə aiddir və bu yanaşma beynəlxalq ictimaiyyətin ifadə etdiyi mövqe ilə eyni sıradadır. Müvafiq olaraq, İÇV infeksiyası da daxil olmaqla, sağlamlıq statusuna görə fərqləndirmə “digər status” ifadəsi ilə əhatə olunurdu və 14-cü Maddə 8-ci Maddə ilə birlikdə tətbiq oluna bilərdi. Ərizəçi Rusiyada ailə-əsaslı yaşamaq icazəsi almaq istəyənlərlə eyni vəziyyətdə idi, amma İÇV-pozitiv statusuna görə ona fərqli davranılırdı. Bu sahədə dövlətlərin mülahizə sərbəstliyi çox məhdud idi, çünki İÇV ilə yaşayan insanlar xüsusi həssas qrup idi ki, keçmişdə ciddi ayrı-seçkiliyə məruz qalmışdılar və onların yaşamaq icazəsindən məhrum edilməsi ilə bağlı Avropa konsensusu yox idi. Ictimai sağlamlığı qorumaq kimi legitim məqsədlə məhdudlaşdırma tədbirlərini qəbul etmələrinə baxmayaraq, səhiyyə ekspertləri və beynəlxalq orqanlar razılaşırdılar ki, İÇV-pozitiv olan insanların səyahət etmələrinə məhdudiyyətlər ictimai sağlamlığa istinad olunaraq əsaslandırıla bilməz. Baxmayaraq ki, belə məhdudiyyətlər xolera və ya sarı qızdırma kimi qısa inkubasiya dövrü keçirən yoluxucu xəstəliklər üçün səmərəli ola bilər, İÇV-pozitiv olan şəxsin ölkədə sadəcə mövcudluğu ictimai sağlamlıq üçün təhlükə ola bilməz. İÇV təsadüfən deyil, xüsusi davranış nəticəsində keçir və xəstəliyin başqasına keçməsi üsulları şəxsin ölkədə qalma müddəti və vətəndaşlığından asılı olmayaraq eynidir. Bundan başqa, İÇV ilə bağlı səyahət məhdudiyyətləri turistlərə və ya qısa müddətli səyahətçilərə və ya xaricdən qayıdan Rusiya vətəndaşlarına tətbiq olun- mur, halbuki onların miqrantlardan daha az təhlükəsiz davranışla məşğul olmalarını güman etməyə heç bir səbəb yoxdur. Eləcə də, İÇV pozitiv olan uzun-müddətli rezidentlərlə qısa-müddətli səyahətçilərə fərqli münasibət birincinin dövlət tərəfindən maliyyələşdirilən səhiyyə sistemindən daha çox tələblər irəli sürə biləcəyi ilə obyektiv olaraq əsaslandırıla bilsə də, bu ar- qument Rusiyada irəli sürülə bilməz, çünki qeyri-Rusiya vətəndaşlarının təcili yardımdan başqa heç bir pulsuz tibbi yardım almaq hüququ yoxdur. Məhkəmənin daha sonra tədqiq etməli olduğu məsələ məhdudlaşdırma tədbirinin gizli və qarışıq təbiəti idi. İÇV-pozitiv olan qeyri-vətəndaşların de- portasiya olunması müddəaları konkret halların faktlarına əsaslanan fərdi qiymətləndirmə aparmağa yer qoymurdu. Ərizəçinin vəziyyətində daxili səlahiyyətli orqanlar onun ərizəsini, onun sağlamlıq vəziyyətini və Rusiya ilə ailə bağlarını nəzərə almadan, sadəcə qanununun müddəalarına əsaslanaraq rədd ediblər. Bütün bunları nəzərə alaraq, AİHM bildirdi ki, ərizəçi sağlamlıq vəziyyətinə (səhhətinə) görə ayrı-seçkilyə məruz qalıb. 200
Ayrı-seçkilik əleyhinə Avropa hüququ üzrə Məlumat kitabı |