AİƏM, Gerhard Fuchs və Peter Köhler Land Hessen-ə qarşı
Birləşdirilmiş işlər C-159/10 və C-160/10, 21 iyul 2011
(CJEU, Gerhard Fuchs and Peter Köhler v. Land Hessen
Joined cases C-159/10 and C-160/10, 21 July 2011)
Almaniyanın daxili qanunvericiliyinə görə, daimi mülki xidmətçilər, hər Tor-
paq (Lander) (ərazi bölgüsü – tərc. qeydi) tərəfindən müəyyənləşdirilmiş
müəyyən yaşa çatdıqda təqaüdə çıxmalıdırlar. Bu işdə Torpaqlardan biri
məcburi təqaüd yaşını 65 olaraq müəyyən etdi, bir şərtlə ki, mülki xidmətin
maraqlarına uyğun olduqda mülki xidmətçilər maksimum 68 yaşına qədər
işləməyə davam edə bilərdilər. Alman məhkəmələri bu qaydanın
2000/78/EC direktivinin 6(1)-cı maddəsinə uyğunluğunu soruşurdu.
AİƏM bildirdi ki, hökumətin gənc nəslin işə götürülməsi və işdə irəli
çəkilməsini təşviq etmək və kadrların idarə olunmasını təkmilləşdirmək
üçün “balanslı yaş strukturu” yaratması məqsədi legitim siyasi məqsəd
daşıyır. Daha sonra bəyan etdi ki, izlənən məqsədin fonunda 65 yaşda
təqaüdə çıxmağı tələb etmək tədbiri “qeyri-ağlabatan deyildi” və Direktiv
müvafiq və zəruri vasitələrə nail olmaq məqsədinə şərait yaradan tədbirləri
istisna etmir. Üzv dövlətin bu meyarın tələblərini qarşıladığını nümayiş
etdirmək üçün verməli olduğu məlumatla bağlı, Məhkəmə bildirdi ki,
tədbirin müvafiq və proporsional olduğunu təqdim olunan sübutlara
əsaslanaraq və öz məhkəmə prosedurları çərçivəsində qiymətləndirmək
tam şəkildə millis məhkəməyə aid idi.
Dostları ilə paylaş: | 
