Az ə rbaycanda Pe şə

Çəpinə tikilən çevirib kökləmə tikişləri saya nazik və qalın parçalardan hazırlanan üst 
geyimlərin işlənilməsində tətbiq olunur. Belə tikişlə hissələrin əvvəlcədən maşın tikişi ilə birləşdirilib üz 
tərəfə çevrilən kənar tikişini (tikiş içəridə qalır) möhkəmləndirirlər. Məsələn, astarlı üst ciblərinin 
kənarlarının, bəzək qapaqlarının kənarlarının, bort, yaxalıq və başqa hissələrin kənarlarının 
işlənilməsində çəpinə tikişli çevirib kökləmədən istifadə edirlər. Tikişin uzunluğu 0,5-1,0 sm olur. Tikiş, 
kant əmələ gətirmək üçün əvvəlki tikiş bir qədər buraxılmış hissə tərəfdən qoyulur (Şəkil 1.10.).Zolaqlı 
və dama-dama naxışlı parçalardan və nazik donluq parçalardan hazırlanan məmulat hissələrində çəpinə 
tikişli kökləmə tikişi qoyulmur. Çünkü belə halda nəmlənib-isidilmə ilə işlənilmə əməliyyatında parçanın 
naxışı çəpləşib tikişin eninə istiqamətdə dartıla bilər.

---

17 
Şəkil 1.10 Çəpinə kökləmə tikişi: 
a – xarici görünüşü; b – istifadə edilməsinə misal 

İlmələməklə çəpinə kənar tikişləri ev şəraitində geyim hazırladıqda hissələrin kəsiyinin 
saplarının sökülməsinin qarşısını almaq üçün və az hallarda fərdi sifarişlərdə astarsız məmulatın 
tikilməsində tətbiq edilir (Şəkil 1.11). 
Çəpinə tikişli ilmələrin icrası zamanı iynəni parçaya altdan salıb üstdən çıxarırlar. Tikişi sağdan 
sola doğru aparırlar. Tikişi dartmırlar. Tikişin tezliyi 1 sm-də 3-4 ədəd olmalıdır. Tikişin uzunluğu 0,5-0,7 
sm olmalıdır. Hissənin kəsiyindən tikişə qədər məsafə 0,3-0,5sm olmalıdır. Ilmələməklə kökləmə tikişini 
parıldamayan 50-80 
№
-li iplik sapla, yaxud 65, 75 
№
-li ipək sapla icra edirlər. 
Hissənin künclərini və kəsiklərini çərtiklər üzrə ilmələməklə köklədikdə iynəni parçanın tərəfinə 
keçirdikdə əvvəlcə onun ucuna sapı yatızdırıb, sonra çəkirlər. Tikişlər kəsikdən və bir-birindən eyni 
məsafədə yerləşdirilir. Tikişin tezliyi 1 sm-də 6-10 ədəd olur. 
Şəkil 1.11 İlmələmə tikişi: 
a – xarici görünüşü; b – istifadə edilməsinə misal 
