Azərbaycan döVLƏt neft və SƏnaye universiteti Fakültə Geoloji Kəşfiyyat Kafedra

Şəkil 1.2.c Şamaxı-Qobustan geoloji profillər . 
(Cənub Şərqi Qobustan,Ceyrankeçməz depressiyası) 

---

21 
Məhsuldar Qat Ceyrankeçməz depressiyası və Ələt-Ləngəbiz 
zonasında daha geniş yayılaraq qumlu-gilli litofasiya ilə təmsil olunur. Onun 
kəsilişi ümumiyyətlə, boz-qonur, qırmızımtıl qonur və qumlu-alevritli 
gillərdən, pis çeşidlənmiş narın dənəli əhəngli qum, alevrit və zəif 
sementləşmiş alevrolitlərin qeyri müəyyən növbələşməsindən təşkil 
olunmuşdur.Bu qat cənub və cənub-şərq istiqamətlərində qumluluğun və 
ümumi qalınlığın artması ilə səciyyələnir.
Ceyrankeçməz depressiyasının mərkəzi hissəsində (Duvanni, 
Torağay, Miəcik və s.) Məhsuldar Qatın üst hissəsində müxtəlif qalınlığa 
malik 10-dan artıq qumlu-alevritli horizontun varlığı müəyyən edilmişdir. 
Onların 4-ü sənaye əhəmiyyətli qazlıdır. Rayonun dəniz sahili hissəsində 
qazılmış dərin axtarış-kəşfiyyat quyuları Məhsuldar Qatın aşağı hissəsində 
Qaradağ bölgüsü ilə V, VII,VIII horizontları və həmçinin Qırmakı (QL) və 
Qırmakıaltı (QAD) dəstələrini açmışlar. Onlardan yalnız V və VII horizontlar 
80-110 m qalınlıqlarla Abşeron fasiyasına uyğun gəlirlər. 
Məhsuldar Qatın ümumi qalınlığı rayonun cənubi-şərq dənizkənarı 
hissəsində (Miəcik, Kənizdağ, Duvanni, Daşgil və b.) 3200-3600 m arasında 
dəyişir, şimal və şimal-qərb istiqamətlərində isə bu qalınlıq kəskin azalaraq 
60-120 m-ə çatır (Nardaranaxtarma və b. sahələr). 
Ağcagil mərtəbəsinin qalınlığı cənub-şərqdə 100-150 m-dir. Rayonun 
mərkəzi zonasının qərb hissəsində (Sündü, Mərəzə, Şamaxı və b.) kəsilişdə 
əhəngdaşıları və çaqıl daşlar da iştirak edir. Qalınlığı 220 m-ə çatır. 
Dördüncü Dövrün alt kəsilişində yatan Abşeron mərtəbəsi 3 
yarımmərtəbəsi ilə ayrılır və qalınlığı 1100-1200m-ə çatır. Kəsiliş 
əhəngdaşıları və terrigen çöküntülərdən ibarətdir.

---

22