Dialoq yunan mənşəli dia (iki) və loqos (elm) sözlərindən yaranmışdır, iki və daha artıq şəxsin ünsiyyəti, replikalarının əvəzlənməsi kimi nitq növüdür. Dialoqun əsas göstəricisi tərəflərin fikir mübadiləsi etdikləri məntiqi-tematik mövzudur– birinin söylədikləri o birisi üçün fikir mənbəyidir. Dialoji ünsiyyətdə universal nitq qanunları özünü göstərir –müəyyən məsələ və ya obyektin müzakirəsi zamanı rəy bildirilir, cavab reaksiyası tələb edilir, ifadəlilik sual, nida, fasilə, intonasiya və s. ilə müşayiət olunur, beləliklə, replika vəünsiyyət iki və ya çoxtərəfli canlı prosesə çevrilir. Dialoq ünsiyyət faktıdır, məqsəd və şərtlərdən, situasiya, tərəflərin tutduğu mövqelərdən asılı olaraq, aşağıdakı əsas növlərini qeyd edəbilərik: məişət, işgüzar,müsahibə .
