Azərbaycan həmkarlar iTTİfaqlari konfederasiyasi
Aşağıda göstərilən birdəfəlik və aylıq müavinətlər Azərbaycan
Yüklə 308,04 Kb. Pdf görüntüsü
|
|
14. Aşağıda göstərilən birdəfəlik və aylıq müavinətlər Azərbaycan
Respublikası Prezidentinin Fərmanları ilə vaxtaşırı tənzimlənir: - Uşaq doğularkən ailəyə qanunvericilikdə müəyyən olunmuş məbləğdə birdəfəlik müavinət 90 manat 2013-ci il sentyabrın 1-dən verilir (Fərman 29.08.2013-cü il). 11
Uşaq doğmuş ana işləmədiyi hallarda və ya hər hansı bir səbəbdən uşağın anası yoxdursa müavinət işləyən ataya verilir. İşləyən valideynə müavinət onun iş yeri üzrə uçota olduğu Dövlət Sosial Müdafiə Fondu orqanı tərəfindən, əgər hər hansı bir səbəbdən uşağın valideynləri işləmirlərsə, müavinət yaşayış yeri üzrə əhalinin sosial müdafiəsi mərkəzləri vasitəsilə ödənilir. Uşaq doğuşuna görə birdəfəlik müavinət, müraciət edildikdə verilir və müraciət müddəti məhdudlaşdırılmır. İki və ya daha çox uşaq doğulduqda birdəfəlik müavinət hər uşağa görə verilir. Övladlığa götürülmüş uşaqlara uşaq doğulmasına görə birdəfəlik müavinət ümumi əsaslar üzrə verilir. Uşaq ölü doğulduqda müavinət verilmir. - Uşağın üç yaşı tamam olanadək ona qulluq etməkdən ötrü işləyən qadınlar qismən ödənişli məzuniyyət almaq hüququna malikdirlər. Həmin məzuniyyət dövründə uşağa qulluq edən şəxsə hər uşaq üç yaşına çatanadək qanunvericilikdə müəyyən olunmuş məbləğdə, bir yaş yarımadək - 30 manat, bir yaş yarımdan 3 yaşadək - 15 manat miqdarında müavinət 2013-cü ilin sentyabr ayının 1-dən verilir (Fərman 23.08.2013-cü il). Çernobıl qəzası nəticəsində şüa xəstəliyinə tutulmuş, bu xəstəliyi keçirmiş, habelə əlil olmuş şəxslərə uşağa qulluq üzrə qismən ödənişli məzuniyyət üçün müavinət qüvvədə olan qanunvericilikdə nəzərdə tutulmuş müavinətdən iki dəfə artıq məbləğdə ödənilir. Uşağın üç yaşı tamam olanadək ona qulluq edilməsinə görə haqqı qismən ödənilən məzuniyyət qadına hamiləliyə və doğuma görə məzuniyyətin başa çatdığı günün sonrakı günündən başlayaraq təqdim olunur. Bu zaman həmin məzuniyyət qadına onun arzusuna görə tam və ya hissə-hissə təqdim oluna bilər. Əgər qadın uşağa qulluq edilməsinə görə məzuniyyətin rəsmiləşdirilməsi üçün vaxtında müraciət etməmişdirsə, onda keçmiş dövr
12
üçün müavinət müraciət edildikdə verilir və bu zaman müraciət müddəti məhdudlaşdırılmır. Əgər qadın uşaq üç yaşa çatanadək haqqı qismən ödənilən məzuniyyət vaxtı öz arzusuna görə tam olmayan iş vaxtı ilə və yaxud da evdə işləyirsə, habelə istehsalatdan ayrılmaqla təhsilini davam edirsə, bu zaman onların müavinət almaq hüququ saxlanılır. Müəyyən olunmuş qaydada övladlığa götürülmüş uşaqlara qulluq edilməsinə görə müavinət ümumi əsaslarla verilir. - Sığortaolunan vəfat etdikdə dəfn üçün müavinət qanunvericilikdə müəyyən olunmuş qaydada 120 manat miqdarında 2013-cü il sentyabr ayının 1-dən verilir (Fərman 29.08.2013-cü il). Pensiyaçı vəfat etdikdə isə dəfn üçün müavinət Dövlət Sosial Müdafiə Fondu orqanları tərəfindən «Əmək pensiyaları haqqında» qanunun 42-ci maddəsinə əsasən pensiyaçının vəfatı tarixinə yaşa görə əmək pensiyasının baza hissəsinin üç misli miqdarında ödənilir. Müavinəti almaq üçün müraciət müddəti məhdudlaşdırılmır. Vəfat etmiş şəxs eyni zamanda həm sığortaolunan, həm də əmək pensiyaçısı olduqda, dəfn üçün müavinətin biri – məbləğcə daha böyüyü ödənilir. |