Azərbaycan Milli Elmlər Akademiyası İqtisadiyyat İnstitutu

§6. Ümumtəhsil məktəbləri

Ümumtəhsil məktəbləri uşaq və gənclərə təhsil verən, onların hərtərəfli inkişafını və estetik tərbiyəsini həyata keçirən müəssisələrdir. Ümumtəhsil məktəbi təhsil prosesini bir və ya bir neçə ümumtəhsil proqramı əsasında həyata keçirir. Orta təhsil ümumi biliklərə yiyələnmək, cəmiyyətdə baş verən hadisələri mənimsəmək, sonrakı peşəsini seçmək üçün zəruri sayılır.
Orta ümumi təhsilin bütün dərəcələrinin vəhdətini və ardıcıllığını saxlamaqla yerli şəraitdən asılı olaraq ibtidai, əsas və orta məktəblər yaradılır. Məktəblər dövlət, bələdiyyə və qeyri-dövlət (xüsusi, ictimai və dini təşkilatlara məxsus) tipli ola bilər. Dövlət və bələdiyyə məktəblərinin fəaliyyəti məktəbin nümunəvi əsasnaməsi və nizamnaməsi ilə tənzimlənir. Qeyri-dövlət məktəb-ləri üçün nümunəvi əsasnamə örnək xarakteri daşıyır. Statistik hesabatlarda məktəblər aşağıdakı növlərə bölünür: ibtidai (1 pilləli), əsas (1-2 pilləli), orta (1-3 pilləli), internat məktəbləri, sağlamlıq imkanları məhdud olan uşaqlar üçün məktəblər, müxtəlif fənləri daha dərindən tədris edən məktəblər, gimna-ziyalar, liseylər, axşam (qiyabi) ümumtəhsil məktəbləri və s.
Cədvəl 8.5
Ümumi təhsil müəssisələrinin əsas göstəriciləri (ilin əvvəlinə)

	2000	2004	2005	2006	2007	2008	2009
Əyani ümumi təhsil müəssi-sələrinin sayı - cəmi	4548	4553	4544	4550	4529	4555	4550
Əyani ümumi təhsil müəs-sisələrində şagirdlərin sayı - cəmi, nəfər	1653703	1680424	1631567	1583628	1534580	1487477	1428859
Qiyabi (ax-şam) ümumi təhsil müəs-sisələrinin sayı	13	12	9	9	9	7	7
Qiyabi (ax-şam) ümumi təhsil müəs-sisələrində şagirdlərin sayı, nəfər ^2)	35979	9252	2774	2594	2693	2675	2656
Ümumi təhsil müəs-sisələrində müəllimlərin sayı (əsas heyət) - cəmi, nəfər	161492	169398	169565	171788	175423	176344	174378