Tutkimilər fəsiləsinə aid olan əncir latınca «Fikus» rusca «смоковница»,
«Инжир», «Фикус» adlanır. Meyvəsində şəkər, pektin maddəsi, sellüloza, turşu,
kalsium, dəmir, fosfor eləcə də C, B1, B2 vitaminləri vardır (İbadlı, Zərgərli, 2009).
Qara əncirin irisi-Hirkan ənciridir. Toyuq yumurtası böyüklükdə olan Hirkan
əncirinin xüsusi xoş dadı vardır. Şirindir, qidalıdır, xəstəliyə davamlıdır, təki susuz
qalmasın. Ona tez-tez su verəndə meyvəsi iri olur, amma şirinliyi azalır. Abşeron
yarımadasının dəmyə şəraitində yetişən ağ ənciri bütün əncirlərin şahıdır. Belə ki, yaş
və qurudulmuş meyvələri yoğun bağırsaqda olan xoralara (kolit), həmçinin ürək
əzələlərinin möhkəmlənməsinə kömək edir (Mustafayev, Məmmədov, 2008).
Əncirdən orqanizmə çox faydalı olan mürəbbə və cem hazırlanır. Amma
vaxtında təzə əncir yeməyən özünə qəsd edir.
