Azərbaycan Respublikası Kənd Təsərrüfatı Nazirliyi Azərbaycan Dövlət Aqrar Universiteti

2. Qəza vəziyyətində təhlükəsizlik tələbləri

2.1. Lift qəza vəziyyətində dayanarsa panikaya düşməməli.

2.2. Sərnişinlər lift qapılarını açmağa çalışmamalı, dispetçeri çağırmalı və əlavə tədbirlər üçün təlimatları dinləməli.

2.3. Lift trosu qopduğu halda "Dur" düyməsi basılmalıdır.

2.4. Sərnişinlər kürəklərini kabinə divarına söykəyərək çöməməli, əllərini yerə qoymamalı.

2.5. Qapıları açan düymə basılmamalı, dayanma anında nə qədər az hərəkət olunarsa ,o qədər az ziyan olar. Çünki şaxtanın dibində amortizatorlar var.

2.6. Yanğın və zəlzələ zamanı liftlər heç vaxt istifadə edilməməlidir. Lift yerinə birbaşa pilləkənlərdən və ya yanğın pilləkənlərindən istifadə edilməlidir.

Belə hallarda liftdən istifadə etmək istəyənlərin qarşısı mütləq alınmalıdır.

2.7. Liftdə köməksiz qalan şəxs bilməlidir:

• 
  Qorxmamaq və təşvişə düşməmək;
  
• 
  Liftin zəng siqnalını fasilələrlə basaraq kömək çağırmaq;
  
• 
  Qapını zədələmədən döyərək kömək çağırmaq;
  
• 
  Yanınızda mobil telefon varsa, lift bələdçisinə və ya lift təsərrüfatına cavabdeh qurumlara məlumat vermək;
  
• 
  Əlaqədar qurumlarla əlaqə yaratmaq mümkün olmadıqda “112” qaynar xəttinə məlumat vermək;
  
• 
  Köməyə çağırdığınız insanlardan əlaqədar qurumlara məlumat vermələrini xahiş etmək.