Azərbaycan Respublikası Təhsil Nazirliyi Azərbaycan Respublikası Təhsil Problemləri İnstitutu

II Problemin müzakirəsi mərhələsi. 
Müəllim «dairəvi masa» məşğələsini açıq elan edir. 
Aparıcının  fəaliyyətində  mühüm  yer  tutan  məşğələyə  nədən  başlamaq 
məsələsidir.  Məşğələ  aparıcının  giriş  sözü  ilə  başlanır.  Burada  o,  görüşün 
məqsədləri, iştirakçıların mövqeləri haqqında ümumi məlumat verir. 
Aparıcının  fəaliyyətindəki  əsas  məsələlərdən  biri  də  kimə  və  hansı 
ardıcıllıqla söz verilməsi məsələsidir. Müzakirə olunan məsələ haqqında hər bir 
iştirakçı    bir  neçə  dəfə  söz  deyə  bilər.  Bu  zaman  kimə  nə  vaxt  söz  vermək 
məsələsi  ortaya  çıxır.  Əgər  şagirdlər  mövqelər  üzrə  mikroqruplarda 
birləşməyiblərsə, o zaman bütün arzu edənlər çıxır edirlər.  

---

 
63 
Aparıcı  müəllimin  həll  etməli  olduğu  məsələlərdən  biri  də  çıxışlardakı 
təkrarlanmaların qarşısını almaqdır. Çox zaman məşğələdə eyni fikir təkrarlanır, 
mövqelər  dəqiqləşmir,  iştirakçıların  mövqelərində  yaxınlaşmaya  nail  olmaq 
mümkün  olmur.  Bu  cür  hallarda  müəllim  ya  müzakirəni  tamamlayır,  ya  nəzəri 
istiqamət  almış  müzakirəni  praktik  məcraya  yönəldir,  ya  da  praktik  xarakterli 
çıxışlardan məsələnin nəzəri cəhətdən əsaslandırılması üçün istifadə edir.