Azərbaycan Respublikası Təhsil Nazirliyi LƏNKƏran döVLƏt universiteti Rİyaziyyat və İnformatika kafedrasi
MİMİO STUDİO İnteraktiv dərs proqramı
Yüklə 1,76 Mb. Pdf görüntüsü
|
|
MİMİO STUDİO İnteraktiv dərs proqramı
Mimio Studio proqramı interaktiv səhifələrdə işləmək üçündür. MimioStudio interaktiv lövhələr olmadan da dərslərin hazırlanmasında, yaradılmış sənədlərin manipulyasiyasında da istifadə edilə bilər. MimioStudio 3 əsas hissədən ibarətdir 1. MS Notebook 2. MS Tools 3. MS Gallery MS müxtəlif formatda olan faylların yerləşdirilməsini dəstəkləyir.
Alətlər lövhəsi (Mimio Studio Tools). Mimio Studio Tools-dan istifadə edərək, Mimio Studio Notebookun səhifələrində müxtəlif obyektlər, yəni xətlər, oxlar, əlyazmalar, mətn obyektləri, əsas fiqurlar yaratmaq olar. Eyni zamanda bu alətlərin köməyilə şəkillər və multimediya obyektlərini daxil edə və ya ekran hissəsinin şəklini notebooka yerləşdirə bilərik. Mimio Studio Toolsun açma, qapama düyməsi var. Onun vasitəsilə biz onu pəncərədən yığışdıra və ya gətirə bilərik. Onun alətləri aşağıdakılardır: 1) Seçmə aləti – obyektlər üzərində müxtəlif əməliyyatlar apamaq olar. Obyekti seçib yerini dəyişə, ölçülərini və rəngini dəyişə bilərik. 2) Miqyas aləti – ekranın miqyasını dəyişdirmək mümkündür. Onun 3 funksiyası var. Zoom in – obyektin miqyasını böyüdür, zoom out – miqyası kiçildir. Zoom full – normal rejimə qayıtmaq üçündür. 3) Karandaş – onun rəngini seçirik, cizginin qalınlığını qalınlıq tənzimləyicisinin köməyilə təyin edə bilərik. 4) Marker-markerin köməyilə əsasən təqdimat zamanı müəyyən sözlərin daha çox nəzərə çatdırılması üçün istifadə olunur. 5) Pozan-pozan aləti karandaş və markerin vasitəsilə yazılan yazıları pozmaq üçün istifadə olunur. Pozanın əhatə dairəsini qalınlıq tənzimləyicisinin köməyilə dəyişə bilərik. 6) Müxtəlif oxlar – xətlərin və oxların rəngini, qalınlığını dəyişə bilərik. 7) Düzbucaqlı və ya kvadrat – kənar xətlərin rəngini, qalınlığını, içərisinin rəngini seçib çəkə bilərik. 8) Ellips və ya çevrə – eyni qayda ilə kənar xətlərin rəngini, qalınlığını, içərisinin rəngini seçib çəkə bilərik. 9) Müxtəlif çoxbucaqlılar – üçbucaq, ulduz, beşbucaqlı, altıbucaqlı və s. çəkə bilərik. 10) Mətn aləti – müxtəlif növlü, formatlı yazıları yaza bilərik. Onu seçdikdə açılan paneldən lazımi alətləri seçib, formatlama parametrlərini seçə bilərik. 11) Faylların importu – insert file seçib açılan pəncərədən istənilən faylı seçib MStudio-nun pəncərəsində yerləşdirə bilərik. 12) Ekranın şəkli – Screen Clipping alətinin köməyilə ekranın istənilən hissəsini seçib Mimio Studio səhifəsində yerləşdirə bilərik 13) Qalereya – qalereya alətinin köməyilə biz qalereyanı aça bilərik. Orada yerləşən şəkillərdən, şablonlardan, multimediya vasitələrindən, dərs nümunələrindən istifadə edərək öz sənədimizi işləyə bilərik. 14) Interaktiv rejim – siçanın sağ düyməsi, interaktiv rejimdə siçan, interaktiv rejimə keçid alətləri, interaktiv lövhələrdən istifadə etmək üçündür. 15) Ekran annotasiyası – proqram pəncərələrinə və web səhifələrə baxmağa, həmin səhifələr üzərində qeydlər aparmağa imkan verir. Bu zaman MS alətlərini bu səhifələrdə istifadə etmək imkanı yaranır. Bu səhifədən çıxan zaman həmin səhifənin şəkilləri avtomatik olaraq Screen Annotation qovluğunda saxlanılır. 16) Əlavə vasitələr (Applications)- onlara Reveal, Spotlight, Text Tools, Quick Vote, Recorder, View, More Tools(Calculator, Magnify, Web brouzer) daxildir. 17) Ekran annotasiyası(Screen Annotation) – Mimio Studio Notebook-dan kənarda, web- səhifələrdə, MS Word, MS Power Point və digər proqram pəncərələrində MimioStudioNotebook-un alətlərindən istifadə etməyə imkan verir. MS Notebook pəncərəsində yazılmış əlyazmaları çap vəziyyətinə çevirmək mümkündür. Bundan ötrü əlyazma mətn seçilir, üzərində sağ düyməni vurduqda açılan menyudan və ya Tools menyusunudan Recognize Link əmrini veririk, əlyazmanı çap vəziyyətinə salırıq. Artıq biz həmin yazıya istənilən formatı verə bilərik. Əlyazmaları çap vəziyyətinə çevirmək üçün alətlər panelindən Text Tools alətindən də istifadə edə bilərik. Qalereya(Gallery) MSGallery-ni açmaq üçün İnsert menyusundan Gallery, alətlər panelindən Gallery Browzer, status sətrindən Gallery işarəsini iki dəfə vurmaqla açmaq olar. Gallery 4 qovluqdan ibarətdir: 1) Qalereya qovluğu; 2) Suallar və nəticələr qovluğu; 3) İmport edilmiş obyektlər qovluğu 4) Ekran annotasiyaları qovluğu. Qalereya qovluğunda müxtəlif fənlər üzrə obyektlər yerləşdirilir. Onlar da 4 qovluqdan ibarətdir: 1. Şəkillər(İmages); 2. Şablonlar(Temlates); 3. Multimediya vasitələri (Multimedia); 4. Dərs nümunələri (Lessons). Şəkillər (İmages) qovluğundan şəkli seçib sürüşdürməklə, və ya copy – paste əmrləri vasitəsilə, ya da üzərində mausun oxunu 2 dəfə vurmaqla səhifədə yerləşdirmək mümkündür. Şəkillər üzərində müxtəlif əməliyyatları yerinə yetirmək olar, məs., onun ölçülərini dəyişmək, yerini dəyişmək, fırlatmaq vəs. olar. Şablonlar (Temlates) qovluğundan müvafiq şablon seçib sürüşdürməklə, ya da üzərində iki dəfə klikləməklə səhifəyə gətiririk. Multimediya (Multimedia) qovluğundan multimediya fayllarıni yerləşdirmək mümkündür. Bu fayllara səs, video və animasiyalar daxildir. Onlari da müvafiq qaydalarla səhifədə yerləşdirmək mümkündür. Dərs nümunələri (Lessons) qovluğundan .ink, .doc, .xls, .pdf və s. sənəd nümunələrini işçi səhifəyə gətirə bilərik. Bu sənədlər müxtəlif sayda səhifələrdən ibarət ola bilərlər. MS Notebook-da səhifələrin müxtəlif görünüş rejimi var: Adi rejim Səhifə Görünüş rejimi İnteraktiv lövhə hələ məktəblərdə geniş yayılmamış yeni elektron qurğudur. Buna səbəb lövhənin baha olması və müəllim kadrlarının onu işlədə bilməməsidir. Digər tərəfdən bu lövhəni müəllim tabaşir və marker lövhəsi kimi də istifadə edə bilər. Buna hazırlıq lazım olmur. Ancaq bu interaktiv lövhəni belə istifadə etməyin heç bir üstünlüyü olmur, çünki belə halda o lövhəni interaktiv adlandırmaq olmur. İnteraktiv lövhənin əsil istifadəsi onun rəqəm texnoloji resurslarından yararlanmaqdır.
|