Sökmə və defektasiya sahəsi. Sahə bilavasitə anbara söykənməlidir və
qaldırıcı-nəqliyyat vasitələrinin xidmət zonasına yaxın olmalıdır.
Orada təmirə daxil olan avadanlıqlara baxış keçirirlər və sınaq və lazımi
elektriki və mexaniki ölçmələrlə zədələrin xarakterini müəyyən edirlər. Əgər
lazımdırsa, avadanlığı ayrı-ayrı qovşaqlara və detallara ayırırlar, onları təmizləyir
və yuyurlar.
Yağ təsərrüfatı. Yağ təsərrüfatını baxış və transformatorların sökülməsi
sahəsi ilə yanaşı yerləşdirirlər. Bu sahədə işlənmiş kirli yağları boşaldır və təmiz
quru yağ saxlayırlar. Burada həm də transformatora yağ doldururlar.
Yağ təsərrüfatına elektrokimyəvi laboratoriya daxildir. Təsərrüfat yanğına
qarşı təhlükəlidir və buna görə də yanğın təhlükəsizliyinin tələblərinə cavab
verməlidir.
Yuma sahəsi. Sahə elektrik maşınlarının hissələrini yumaq üçün nəzərdə
tutulmuşdur. Yuma binası yanğın təhlükəlidir (kerosin və ya benzin istifadə
edərkən), buna görə də onu qonşu sahələrdən izolyasiya etmək vacibdir. Ondan
başqa, bina ventilyasiya qurğusu ilə təchiz olunmalıdır.
Güc transformatorlarının təmir bölməsi. Güc transformatorlarının təmiri
üzrə ixtisaslaşmış emalatxanalarda bilavasitə yaxınlıqda defektləşdirmə və sökmə
bölmələrindən iki sahə yaradırlar.
Birinci sahədə nüvəni sökür və təmir edirlər. Bu sahədə və ya onun yanında
dolaq, hopdurma və qurutma sahələri yerləşmişdir.
İkinci sahədə çəni, qapağı, genişləndiricini və s. Təmir edirlər. Yaxınlıqda
izolyatorların armaturlaşdırılması üzrə bölmə yerləşir.
Elə bu sahədəcə təmir edilmiş nüvəni dolaqla birgə çənin içərisinə
quraşdırırlar və transformatoru tam yığırlar. Bundan sonra onu yağ təsərrüfatına
verirlər. Orada ona yağ doldururlar və sınağa göndərirlər.
