Dolağın hazırlanma və təmir sahəsi. Dolaq bölməsi işlərin spesifikliyinə
görə, bir qayda olaraq, sərbəst sahədir. Elektrik maşınlarının və transformatorların
dolaqlarının təmir sahəsi bir sıra bölmələrdən ibarətdir, hansılarda ki, köhnə dolaq
naqilini (maşınlar üçün) bərpa edirlər, izolyasiya detalları (gilizlər, çivlər,
qutucuqlar, karkaslar), seksiyaları və makaraları hazırlayırlar, bilavasitə dolaqları
yerinə yetirirlər, dolaqları və onun hissələrini hopdurur və qurudurlar.
Komplektləşdirmə və yığma sahəsi. Bu sahədə bütün təmir olunmuş detallar
və qovşaqlar daxil olur, sonra burada avadanlığın tam yığılmasını və onun ehtiyat
hissələrlə komplektləşdirilməsini həyata keçirirlər.
Sınaq bölməsi. Bura təmir olunmuş və tamamən yığılmış avadanlığın sınağı
üçün nəzərdə tutulmuşdur. Bölmə yığma meydançasının yanında yerləşmişdir. Və
tam və hər tərəfli sınaqlar və ölçmələr aparmağa imkan verən vacib stendlərə və
stasionar qurğulara malikdir. Təmirin keyfiyyətini təsdiqləmək üçün maşın və
transformatorların təmir prosesində tez-tez aparılan lazımi ölçmələri təmir
sahələrində gəzdirilən aparatlarla yerinə yetirirlər. Bu ölçmələr əməliyyatlar arası
nəzarət üçün nəzərdə tutulmuşlar.
Çilingər və mexaniki sahələr. Çilingər, qaynaq, dəmirçi işləri və mexaniki
emal sahələrini təmir bazasının təşkilinin konkret şəraitlərindən asılı olaraq
yaradırlar.
Məsələn, transformatorların təmiri zamanı qaynaq işlərini qaynaqçılar
briqadası gəzdirilən aparatların köməyi ilə təmin edə bilər. Çilingər işləri və
mexaniki emal təmirin az bir hissəsini təşkil edir və çilingərlər briqadası tərəfindən
təmir sahələrində və ya özünün uyğun və ya qonşu müəssisəsinin uyğun sexlərində
yerinə yetirilə bilər. Transformatorların təmiri zamanı dəmirçi işləri, demək olar ki,
olmur.
Elektrik maşınlarının və işəburaxıcı-tənzimləyici aparatların təmir
emalatxanalarında çilingər-mexaniki işlər böyük yer tutur. Sərbəst bölməni texniki
və iqtisadi səmərəlilikdən asılı olaraq təşkil edirlər. Böyük sexlərdə çilingər və
mexaniki bölmələri valların yonulması, yastıqların, kollektorların təmiri, müxtəlif
detalların və ləvazimatların hazırlanması üzrə böyük həcmdə işləri yerinə yetirmək
üçün yaradırlar.
Aşağıda nümunə üçün elektrik maşınlarının iri elektrotəmir sexində texnoloji
prosesin sxemi ( şəkil ) və yağlı güc transformatorlarının təmiri üzrə
ixtisaslaşdırılmış bazanın nümunəvi sxemi ( şək) verilmişdir.
