Azərbaycan respublikasi təHSİl naziRLİYİ azərbaycan respublikasi təHSİL İnstitutu

Təlim prosesinin idarə olunması
. MTM-də (məktəbəqədər təhsil müəssisələrində) təlim 
prosesinin idarə olunması əvvəlcədən planlaşdırılmış nəticələrə (məqsədə) nail olunmaq üçün 

---

64 
idarə edənin və idarə olunanların məqsədyönlü qarşılıqlı təsiri, bütövlükdə idarə olunan obyektin 
optimal inkişafının təmin edilməsinə, formalaşmasına və sabitləşməsinə istiqamətlənən
məqsədyönlü fəaliyyətdir. Bu məqsədə nail olmaq üçün idarəetmə fəaliyyəti təlim prosesinin 
mövcud vəziyyəti ilə tələb olunan vəziyyəti arasında uyğunsuzluğun aradan qaldırılmasına 
istiqamətlənməlidir. MTM-də təlim prosesinin idarə olunmasının mahiyyəti müəssisə rəhbərinin 
və tərbiyəçi-müəllimin bu prosesin nizamlı tamlığını və bütün idarəetmə sistemini keyfiyyətcə 
yeni məhələyə qaldırılmasını təmin edən məqsədyönlü fəaliyyətindən ibarətdir.
 
Təlim prosesinin idarə olunması dinamik mexanizm olaraq bütün subyektlərin qarşılıqlı təsir, 
prinsip, funksiya və metodların reallaşması əsasında və demokratik stilli idarəetmə ilə səmərəli 
təşkil olunur. Müasir dövrdə MTM –də tərbiyəçi-müəllimin təlim prosesini idarə etməsi sistem 
yaradan idarəetmə modeli prinsipləri: humanistləşdirmə, inteqrasiya, psixoloji iqlimin nəzərə 
alınması, differensiasiya, fərdiləşmə və komplekslilik əsasında həyata keçir. Təlim prosesinin 
idarə olunması özündə fəaliyyətyönlü prosesi ehtiva edir və eyni zamanda həm tərbiyəçi-
müəllimin, həm uşağın, həm də təlim prosesinin idarə edilməsinin təkmilləşdirməsinə 
istiqamətləndirir. 
 
 
 
YAŞ QRUPLARI ÜZRƏ MƏŞĞƏLƏ NÜMUNƏLƏRİ 
 
Körpələr qrupunda təşkil edilən məşğələlərin spesifik xüsusiyyətləri vardır. Onlar bir qayda 
olaraq oyun formasında aparılır və bu zaman uşağın məktəbəqədər təhsil müəssisəsinə 
uyğunlaşma dərəcəsi nəzərə alınmalıdır. Məşğələlər mürəkkəb olmamalıdır. Hazırlanmış 
material uşaqların yaş və fərdi xüsusiyyətləri, onların hazırlıq səviyyəsini nəzərə alaraq 2-3 
hissəyə bölünərək, ayrı-ayrı günlərdə keçirilə bilər.