Azərbaycan respublikasi təHSİl naziRLİYİ azərbaycan respublikasi təHSİL İnstitutu

 2-3 yaş . 
Ətraf mühitlə tanışlıq və nitq inkişafı
məşğələsi
 
St.
3.1.2. Əsas rəngləri (qırmızı, sarı, yaşıl) adlandırır; 
Mövzu:
Didaktik oyun. “Xoruzun quyruğu üçün tük bağışlayaq”. 
Məqsəd. –
Əsas rəngləri adlandırır. 
-Fikrini ifadə edir. 
İnteqrasiya.
2.1.4. Canlı (insan, heyvan, quş, bitki) və cansız (qum, daş, torpaq, işıq) obyektləri 
adlandırır.
 
İş forması.
Kollektiv, fərdi. 
İş üsulu.
Əqli hücum, suallar. 
Resurslar.
Xoruzun rəngli təsviri (quyruqsuz), xoruzun quyruğu üçün rəngli kağızlardan kəsilmiş
“tüklər”. 
Məşğələnin gedişi
 
Motivasiya. 
Tərbiyəçi-müəllim xalçanın üzərində oynayan uşaqlara müraciət edir: 
- 
Uşaqlar, bura gəlin, görün bizə kim qonaq gəlib? (Uşaqların cavabı: Xoruz)
T:- Uşaqlar, o bizi çağırdı, amma mən onun səsini eşitmədim. Bəs,
xoruz necə banlayır? (quq-qulu-
qu) 
Dərketmə. 
Tərbiyəçi-müəllim quyruqsuz xoruz şəklini flaneloqrafa yapışdırır. Quyruğunun 
başlandığı yerdə dəlik açılıb. Stolun üzərinə 3 rəngdə “tüklər” düzülüb. 
Tərbiyəçi uşaqların diqqətini 
xoruza cəlb edib deyir: 
-Uşaqlar, xoruz istəyir ki, onun qəşəng quyruğu olsun. Amma böyük uşaqlar xoruz şəklini 
çəkəndə onun quyruğunu çəkməyiblər. İndi xahiş edir ki, uşaqlar ona qırmızı, yaşıl və sarı rəngdə 
tüklər bağışlasınlar.(göstərir) 
T:-
Yaxşı, xoruz. Biz sənə rəngli tüklər bağışlayacağıq. Xoruz, sən belə tük istəyirsən?
Qırmızı rəngdə olan tükü uşaqlara göstərib soruşur: 
-Uşaqlar, mən bu tükü xoruza bağışlamaq istəyirəm. Bu tük nə rəngdədir? (qırmızı).

---

68 
T:-
Xoruz, uşaqlar dedi ki, bu qırmızı tükdür. Al, bu da sənə qırmızı tük. (Xoruz tərbiyəçiyə 
təşəkkür edir). 
Sonra uşaqlar bir-bir müstəqil olaraq tükləri seçir, qalanlarına göstərir və rəngini söyləyirlər. 
(Mən xoruza sarı tükü bağışlayıram) 
Əgər uşaq səhv edərsə, xoruz deyir: “quq-qulu-qu, mən başqa tükü istəyirəm. Yaşıl rəngli 
tükü istəyirəm”. 
Tətbiqetmə
.Sonda uşaqlar qəşəng xoruz quyruğuna tamaşa edirlər. 
T:-Biz xoruza qəşəng tüklər bağışladıq. Gəlin bir daha həmin tükləri göstərək və rəngini 
söyləyək. (yerinə yetirilir) Görün, o sizdən necə də razı qaldı.O, indi gedəcək. Gəlin ona şeir oxuyaq. 
Ay pipiyi qan xoruz,
Gözləri mərcan xoruz. 
Sən nə tezdən durursan 
Qışqırıb, banlayırsan!? 
Quq-qulu-quuuuuu 
Tərbiyəçi-müəllim uşaqları rəğbətləndirərək, məşğələni yekunlaşdırır.