|
İnformativ funksiya sosial təcrübənin ötürülməsinə xidmət edir.
Mədəniyyətdən başqa, bəşəriyyətin mənəvi sərvətlərini ötürən və geniş
yayan digər bir sahəsi yoxdur. Mədəniyyət nə genetik, nə də bioloji yolla
ötürülür. Mədəniyyət öz təbiətinə görə tarixi mahiyyət kəsb edir. Onun bu
günü keçmişə əsaslanaraq gələcəyi formalaşdırır. Məhz mədəniyyətin
köməkliyi ilə sosial təcrübə bir nəsildən digərinə ötürülür. Əgər söhbət
ayrıca tarixi dövr və mərhələdən gedirsə, onda mədəniyyət vasitəsilə
informasiya hər hansı bir ölkədən digərinə, bir xalqdan başqasına çatdırılır.
Məhz bu xüsusiyyətinə görə mədəniyyəti bəşəriyyətin “qeyri-genetik
yaddaş”ı adlandırmaq olar. Heç bir mədəniyyət təcrid olunmuş halda
mövcud deyildir və mədəniyyətlər bir-birinə qarşılıqlı təsir göstərir, başqa
adamların, nəsillər və mədəniyyətlərin təcrübəsini mənimsəyir. İnsan maddi
və mənəvi mədəniyyət abidələrində həkk olunmuş informasiyanı dərk
etməklə bu abidələri yaratmış insanlarla dolayı və ya vasitəli ünsiyyətə girir.
Dil, ilk növbədə ədəbi dil bu və ya digər milli mədəniyyətə yiyələnmə
vasitəsidir. Dil mədəniyyətin məhsulu olub, insanlar arasında hərtərəfli
münasibətlər yaradaraq, İnsanların ünsiyyət vasitəsi kimi, ilk növbədə,
onların şifahi dili çıxış edir.
Dostları ilə paylaş: | 
