8
olmadığını deyə bilərik. Menecment və sığorta sahəsinin sintezindən bəhs edən
araşdırmalara isə, ümumiyyətlə, rast gəlinmir. Tədqiqat işinin mövzusu müasir dövrdə
sığorta sektorunun idarə edilməsinin aktual problemlərinə həsr olunmuşdur.
Lakin
pərakəndə formada olsa da, son illərdə sığorta sektorunun inkişafınan dair müəyyən
çərçivədə tədqiqatlar aparılmış, çoxsaylı məqalələr dərc edilmişdir.
Tədqiqatın məqsəd və vəzifələri:
Tədqiqat işinin
əsas məqsədi müasir dövrdə
Azərbaycanın maliyyə bazarında sığorta fəaliyyətinin əsas xüsusiyyətlərini
araşdırımaq, fəaliyyətin idarə edilməsinin əsas problemlərini aşkarlamaq və ölkəmizdə
sözügedən sahənin inkişafı üçün praktiki üsulları təyin etməkdən ibarətdir. Bununla
əlaqədar olaraq, dissertasiya işinin əsas konkret vəzifələri yerli sığorta bazarının
fəaliyyət mexanizmi və onun cari xüsusiyyətlərinin
tədqiq edilməsi, beynəlxalq
təcrübənin
araşdırılması,
Azərbaycanda
sektorun
tənzimlənməsinin
əsas
problemlərinin müəyyən edilməsi, nəticə və təkliflərin hazırlanmasından ibarətdir.
Tədqiqatın obyekti və predmeti:
Tətqiqatın əsas obyektini sığorta bazarı,
predmetini isə sığorta sisteminin strukturu, sığorta bazarının
fəaliyyət mexanizmi,
bazarın daxili-xarici elementləri və onların qarşılıqlı əlaqəsi, bazarın inkişaf
qanunauyğunluğu, bazardakı rəqabət mühiti və s. təşkil edir.
Tədqiqat metodları:
Tədqiqat zamanı bir sıra nəzəri metodlardan istifadə
olunmuşdur. Təhlil – Azərbaycanın və beynəlxalq miqyasda digər ölkələrin sığorta
bazarlarının real vəziyyəti təhlil olunmuşdur. Müqayisə – Azərbaycanın
maliyyə
bazarında sığorta menecmentinin cari vəziyyəti həm əvvəlki dövrlərlə, həm də
beynəlxalq səviyyədə digər ölkələrin təcrübələri
ilə müqayisə edilmiş, ortaya çıxan
fərqlər təhlil edilmişdir. Statistik müşahidə – Tədqiqat işində Azərbaycan Respublikası
Dövlət Statistika Komitəsinin Azərbaycanda sığorta fəaliyyəti ilə bağlı müəyyən etdiyi
göstəricilərdən, həmçinin müxtəlif mənbələrə əsaslanaraq digər ölkələrin sığorta
bazarına dair beynəlxalq statistik göstəricilərdən istifadə olunmuşdur. Analiz və sintez–
Tədqiqat işində müxtəlif dövrlərə və ölkələrə aid məlumatlar əvvəlcə ayrı-ayrılıqda
analiz edilmiş, daha sonra ümumiləşdirilmiş nəticələrin sintezi aparılmışdır.
