Mühazirələr i.ü. f d., dosent Zeynalov M. H. Bakı – 2023

Dağlıq Şirvan İqtisadi Regionu. Azərbaycanın mərkəzində yerləşən və qədim məskunlaşma yerlərindən olan Dağlıq Şirvan iqtisadi regionu, bütün istehsal növlərinin istifadə edildiyi geniş bir nəqliyyat qovşağına sahibdir. Regionda sosial-iqtisadi infrastruktur olaraq yüksək və orta təhsil ocaqları, mədəniyyət və səhiyyə mərkəzləri, teatr və muzeylər var.
Dağlıq Şirvan iqtisadi regionu Ağsu, İsmayıllı, Qobustan və Şamaxı inzibati rayonlarını əhatə edir. Ümumi sahəsi 6.06 min km2 olan region ölkə ərazisinin 7%-ni tutur. 287 min nəfərdən ibarət olan regionda ölkə əhalisinin 3.2%-i yaşayır. Əhalinin 141 min nəfəri fəaldır. Digər regionlara görə daha az əhali sıxlığına sahibdir. 1 kvadrat kilometrə 43 nəfər düşür.
Dağlıq və ovalıq olmaqla topoqrafiq baxımından ikiyə ayrılan regionda bu səbəblə iqlimin də müxtəliflilik təşkil etdiyi görülür. Topoqrafiq xüsusiyyətinə görə nəmli, ilıq-soyuq ya da isti və quru iqlim şərtləri regionda hakimdir. Təbii ehtiyatlar baxımından region zəngin deyildir Regionda daş, qum,əhəng, çınqıl və digər inşaat materialları ehtiyatları var. Dağlıq ərazilər müalicəvi mineral su-larla zəngindir. Kükürd və hidrokarbonat ilə zəngin olan bulaqlar içməli su və müalicə məqsədi ilə istifadə edilir.
Regionda sənaye sektorunun zəif olması diqqət çəkir. Əsas sənaye sahələri regional kənd təsərrüfatı məhsullarının istehsal olunduğu qida və yüngül sənayedir.
Yüngül sənaye sahələri meyvə suyu, tekstil və xalçaçılıqdır. Qida sənayesində isə, region üzümlərinin şərab olaraq istehsalı əsas sahədir Bundan əlavə regionda meşə və ağac emalı müəssisələri, inşaat materialları, kənd təsərrüfatı texnikaları təmiri zavodları da var. Şirvan regionu tarixi əl işləri və tekstil mərkəzidir. Lahıc mis istehsalı ilə, Şamaxı ipək şalı istehsalı ilə məşhurdur.
Əsas əkinçilik və heyvandarlıq sahələri taxılçılıq, üzümçülük, şərabçılıq, iri və xırda buynuzlu heyvandarlıqdır. Taxıl istehsalında buğda əsas üstünlüyə sahibdir. Digər taxıl məhsulları regional istehlakı ancaq qarşılayır. Regionda inkişaf edən sektorlar arasında ipəkçilik və turizm sektoru qabaqda gedən sahələrdəndir.