Mühazirələr i.ü. f d., dosent Zeynalov M. H. Bakı – 2023

Lənkəran-Astara iqtisadi rayonu — Azərbaycan Respublikasının iqtisadi rayonlarından biri. İqtisadi rayon şərqdən Xəzər dənizi, qərbdən və cənubdan İran ilə həmsərhəddir. Lənkəran-Astara iqtisadi-coğrafi rayonun Cəlilabad, Astara, Lerik, Lənkəran, Masallı və Yardımlı inzibati rayonları daxildir. Ümumi sahəsi 6,08 min km2 olan region ölkə ərazisinin 7%-ni təşkil edir. Lənkəran ovalığı və Talış dağları tərəfindən ikiyə bölünmüş bir topoqrafik xarakter göstərir.
753.700 nəfər olan region əhalisi, ölkə əhalisinin 9.3%-ni təşkil edir. Əlverişli
iqtisadi-coğrafi mövqeyi əhalinin sıxlığında xüsusi rola sahibdir. Regionun fəal əhali sayı isə 366 min nəfərdir. İqtisadi regionun hər kvadrat kilometrinə 124 nəfər düşür. Lənkəran ovalığında isə, əhali sıxlığı 170 nəfərdir. Təbii şərtlər baxımından region ölkənin digər iqtisadi regionlarından fərqlənir. Lənkəran iqtisadi regionunda dünyadakı 11 fərqli iqlim tipindən 7-si mövcuddur. Əsasən rütubətli subtropik iqlim tipinə sahibdir.
İqtisadi regionda çox az təbii ehtiyat mövcuddur. Gips, çay daşı və inşaat qumu regiondakı əsas təbii sərvətlər sayıla bilər. Region termal su baxımından isə zəngindir. Gözəl təbii ərazilər, isti və soyuq mineral sular, əlverişli iqlim şərtləri və inkişaf etmiş nəqliyyat qovşağı regionda istirahət sanatoriya turizminin inkişafına lazımi şərait yaradır. Lənkəranda turizm mərkəzi, İsti Suda isə müalicə mərkəzi fəaliyət göstərir. Ərazinin 26%-i meşələrdən ibarətdir.
Region iqtisadiyatı əkinçilik sənaye komplekslərinə əsaslanır. Sənaye sektorunun
isə qida sənayesi və balıqçılıq məhsullarına görə qurulduğunu demək olar. Digər sənaye sahələri arasında meşə məhsulları sənayesini misal göstərə bilərik. Sənaye istehsalının 90%-i qida sənayesinin payına düşür. Qida sənayisində balıq, çay, meyvə-tərəvəz konservaları, şərab istehsalı, tütün mühüm yer tutur. Meyvə- tərəvəz, çay, üzüm, taxıl məhsulları və kartof regiondakı əsas kəndtəsərrüfatı sahələridir. Rütubətli subtropikal iqlim, faydalı torpaqlar, su və faydalı iş gücü qaynaqları kənd təsərrüfatının regionda inkişaf etməsində mühüm rol oynayır. Region, ölkənin sitrus meyvələri istehsalında ən əsas iqtisadi regiondur. Sahilyanı ərazilərdə isə, balıqçılıq fəaliyyət göstərir. Quşçuluq da regionda inkişaf etmişdir. Ölkədə istehsal olunan çayın 99%-i, tərəvəzin 27%-i, buğdanın 15%-i, kartofun 24%-i, üzümün 13%-i və meyvənin 10%-i bu regionun payına düşür. İnkişaf edən sektorlar arasında çayçılıq diqqəti cəlb edir. SSRİ-də Azərbaycan çay istehsalına görə Gürcüstandan sonra ikinci yerdə gəlirdi. Ölkədə inkişaf proqramları istiqamətində çay plantasiyaları və müəssisələri özəlləşdirilmişdir. Lənkəran-Astara regionu başda olmaqla ölkədə çayçılığın inkişaf etməsi məqsədiylə əkinçilərə kredit və texniki imkan verilmişdir. Çayçılığın inkişaf etdirilməsində qarşıya qoyulan məqsəd, ölkənin çay ixrac edən ölkəyə çevirilmişdir.