Maxsulotga ko’ra boshqaruv ning afzalligi axborotlarning kelish yo’llari va oqimining qisqarishida, yakka boshchilik tamoyiliga to’la rioya qilinishida, boshqarishning yukori bosqichlarini mayda joriy vazifalardan xolos qilishda namoyon bo’ladi. Bunday tarkib bozorda talabning o’zgarishiga tezkor munosabat bildirishga qodir.
Matritsaviy tarkib– bo’yicha boshqarish ancha murakkab bo’lib, u mahsuloti nisbatan qisqa «umr» ko’radigan va tez-tez o’zgarib turadigan korxonalar tomonidan qo’llaniladi.
2. Boshqaruvning umumdavlat organlari Mamlakatimizning ulkan hududida murakkab xalq xo’jaligini boshqarish uchun ko’p tarmoqli boshqaruv organlari tuzilgan. Ular respublika miqyosidagi oliy vakolatli organlar bo’lib, tarkibi quyidagilardan ibrat (6-chizma).
6-chizma. Boshqarishning umumdavlat organlari. xokimiyatning qonun chiqaruvchi, ijro etuvchi va sud xokimiyatiga bo’linishi Konstitutsiyamizning 11-moddasi bilan qonunlashtirilgan. Bu organlar o’zaro chambarchas xarakat qilishi bilan birga o’z vakolati doirasida mustaqil va erkin faoliyat ko’rsatadi. Bu esa xokimiyatning bitta organ ixtiyorida xaddan tashkari mujassam bo’lmasligini ta‘minlaydi, ularning xalq va qonun oldidagi xuquqlarini aniq taqsimlab berishga xizmat qiladi.
Boshqaruv tepasida Prezident turadi. Bosh Qomusimizning 89-moddasida shunday deyilgan:
O’zbekiston Respublikasining Prezidenti O’zbekiston Respublikasida davlat va ijro etuvchi xokimiyat boshlig'idir.
