Азярбайъан республикасы

D. DNQT-nin yuxarı quruluşunun blok-modullarının
quraşdırılması (sökülməsi)
2.8.62. Blok-modul üzərində ilməkləri bərkitmək üçün
qurğuların yerləri və ilməklərin uzunluğu, ilməklərin gərilməsi
zamanı onların blok-modul üzərində qurulmuş avadanlıqlara
və kommunikasiyalara dəyməsini istisna etməlidir.
2.8.63. Kran gəmilərinin köməyi ilə tikinti-quraşdırma
(sökülmə) işlərinin görülməsinə küləyin sürəti 10m/s-dən və
dənizdə dalğalanma 3 baldan çox olmadıqda icazə verilir.
Küləyin sürəti artdıqda, (dalğalanma 3 baldan çox olduqda)
işlər dayandırılmalı və lazım gəldikdə işçilər obyektdən
çıxarılmalıdır.
180

---

2.8.64. Tikinti zamanı DDÖ-nün yanında xilasetmə
gəmisi növbə çəkməlidir. Əgər tikilən DDÖ-lərin arasındakı
məsafə 1,5km-dən artıq deyilsə, onların ikisinin arasında 1
xilasetmə gəmisi növbə çəkə bilər. Əgər DDÖ-nün yanında
nəqliyyat-quraşdırma gəmiləri varsa və yaxud tikilən obyektdə
insanlar yoxdursa xilasetmə gəmisinin növbə çəkməsinə
ehtiyac yoxdur.
2.8.65. DDÖ-də ən azı iki minik meydançası olmalı və
onlar küləyin əsmə istiqamətinin müxtəlifliyi nəzərə alınmaqla
elə quraşdırılmalıdır ki, adamlar gəmiyə minib düşə bilsinlər.
2.8.66. Minik meydançalarının şəbəkəli döşəmələri,
məhəccərli çəpərləri olmalıdır. Minik meydançasından DDÖ-yə
qalxmaq üçün məhəccərli addım pilləkənləri və suyun
səthindən 1,5m-ə qədər batırılmış asma pilləkənlər olmalıdır.
2.8.67. DDÖ-nün blok-modullarının konstruksiyası elə ol-
malıdır ki, o asanlıqla yığılsın (sökülsün), eləcə də DDÖ-nün
üzərində yerləşdirilmiş qaldırıcı vasitələrin köməkliyi ilə
avadanlığın dəyişdirilməsi mümkün olsun.
2.8.68. Blok-modulların qazma və texnoloji kompleks
avadanlıqları quraşdırıldıqdan, işə salma-sazlama və sınaq
işləri yerinə yetirildikdən sonra DDÖ-nün qəbul komissiyası
tərəfindən qəbulu aparılmalıdır.