Mitoz. Təbiətdə ən geniş yayılmış bölünmə
tiplərindən biri mitozdur. İbtidailərin, bitkilərin,
heyvanların hüceyrələri bu yolla bölünürlər. Bu prosesin
bioloji əhəmiyyəti ondan ibarətdir ki, həmin bölünmənin
nəticəsi olaraq eyni xromosom sayına və DNT-yə malik
iki bərabər qız hüceyrəsi alınır. Bu qız hüceyrələrindən
hər biri ana hüceyrəyə xas olan irsi xüsusiyyəti ana
hüceyrədən alır. Qız hüceyrələrinin ana hüceyrəyə xas
olan irsi xüsusiyyətlərini bərabər miqdarda alması, mitoz
prosesində ana hüceyrədə bir sıra qanunauyğun və ardıcıl
proseslərin getməsinin nəticəsidir, həmin proseslər
aşağıdakılardır.
